Elimizin gözəl adət-ənənəsi, Azərbaycan xalqının milli-mənəvi irs təcəssümü olan Novruzun artıq 3-cü çərşənbəsini qeyd etdik.Yurdumuza, elimizə, obamıza bahar gəlir.Baharın gəlişini Novruzun gözəl ənənələri ilə qeyd edən xalqımız bayramı xoş əhval-rühiyyə ilə qarşılayır buna ən çox sevinən isə uşaqlar olur.
Bu gün Xırdalan şəhər 9№-li tam orta məktəbin şagirdləri qloballaşma dövründə Azərbaycan xalqının adət-ənənələrinin , milli-mənəvi dəyərlərin qorunması və təbliği yolunda yeni bir addım atdılar.Onlar məktəb üzrə öyrənilən 5 Xarici dildə: İngilis, Alman, Rus, Fransız və Ərəb dillərində Novruz şənliyi hazırlayıb, tamaşaçılara təqdim etdilər.Şənlikdə Novruzun ruhunu özündə əks etdirən adətləri, rəqsləri, oyunları Xarici dillərdə ifa etdilər.Şagirdlər müəllimləri və valideyinlərini nümayiş etdirdikləri bacarıqları ilə ürəkdən sevindirdilər.Milli adət-ənənəmizin qorunması və nəsillərə ötürülməsi hər kəsi sevindirdi.
Redaktor:Çinarə Sadıqova
