Abşeron rayon İcra Hakimiyyətinin fəaliyyət planına əsasən Saray qəsəbə 14 saylı uşaq bağçasında açıq məşğələ keçirilib. Məşğələni açıq elan edən bağçanın müdiri Rahilə Əliyeva məhsul bayramının ənənəvi olaraq 14 saylı körpələr-evi uşaq bağçasında yüksək səviyyədə keçirildiyini vurğulayıb. Sonra məşğələyə baxış keçirilib. Bağçanın tərbiyəçisi Səadət Cavadova məşğələ zamı körpə fidanlara Abşeron rayonuna xas payız meyvələri haqqında ətraflı məlumat verib.
Tərbiyəçi məşğələdə yeni təlim üsullarından və əyani vasitələrdən də istifadə edib. Məşğələdə tədqiqatı aparmaq üçün qruplarla iş aparılıb. Körpə fidanlar qruplara bölünərək, qrup daxilində lider seçiblər. Qruplara tapşırıq və iş vərəqləri paylanılıb. Qruplar öz işlərini təqdim etdikdən sonra tərbiyəçi müəllim tərəfindən onların işi müzakirə olunub.
Daha sonra məşğələ balaca fidanların hazırladıqları payız fəsilinin nümayiş edildiyi əyləncəli proqramla davam etdirilib. Uşaqlar şeirlər söyləyib, mahnılar oxuyub, maraqlı rəqslər və gimnastik nömrə nümayiş etdiriblər.
Bədii hissədən sonra çıxış edən Abşeron Rayon İcra Hakimiyyəti başçısı Aparatının Yetkinlik yaşına çatmayanların işləri və hüquqlarının müdafiəsi üzrə komissiyanın uşaqlarla iş üzrə məsləhətçi-psixoloqu Seymur Qasımov uşaqları payız bayramı münasibəti ilə təbrik edib, onlara gələcək həyatda müvəffəqiyyətlər və ölkəmiz üçün layiqli övlad olmalarını arzulayıb. S.Qasımov Abşeron rayon İcra Hakimiyyətinin başçısı İradə Gülməmmədovanın məktəbəqədər təhsilə göstərdiyi qayğı nəticəsində əldə edilən nailiyyətlərdən, körpə fidanların hərtərəfli inkişafı ilə əlaqədar həyata keçirilən uğurlu layihələrdən də ətraflı bəhs edib.
Şamo Əliyev
