Novxanı 28 saylı körpələr-evi uşaq bağçasında düzənlənmiş tədbirdə İlk öncə balaca fidanların hazırladığı rəsm sərgisinin və əl işlərinin nümayişi ilə tanışlıq olub.
Daha sonra bağçanın müdiri Səfa İbrahimova qonaqları və körpə fidanları salamlayaraq tədbirə uğurlar diləyib. Vurğulanıb ki, sərgiyə təqdim olunan əsərlərdə Azərbaycanın tarixi abidələrinin,nağıl qəhrəmanlarının portretləri ilə yanaşı, vətənpərvərlik ruhu aşılayan sənət əsərləri yer alıb.
Keçirilən sərgidə bağçanın tərbiyəçilərinin və körpə fidanlarının 40-a yaxın rəsm sərgisi və əl işləri nümayiş etdirilib. Sərgidə ən çox uşaqların öz duyğuları ilə işləmiş olduğu əsərlərə üstünlük verilib.
Tədbirdə Abşeron RİH-in əməkdaşı Seymur Qasımov çıxış edərək balaca fırça ustalarının əl işlərini yüksək qiymətləndirib. S.Qasımov balaca yaşdan balaca fidanların bu cür maariflənməsi, dünyagörüşlərinin zəngin olmasının əhəmiyyətini vurğulayaraq, onlara uğurlar diləyib.
Sonra səhnə azyaşlılara verilib. Əsasən vətənpərvərlik ruhunda hazırlanmış balacaların ifasında müxtəlif səhnələşdirilmiş nömrələr, rəqs və mahnılar alqışlarla qarşılanıb.
Yazar : Tural Kazımlı
