Qobu 16 saylı körpələr evi-uşaq bağçasında 31 dekabr – Dünya Azərbaycanlılarının Həmrəylik Günü və Yeni il münasibətilə bayram şənliyi təşkil edilib.
Tədbirdə bağçanın müdiri Səbinə Sultanova körpə fidanları qarşıdan gələn bayramlar münasibətilə təbrik edib, gələcəyimiz olan uşaqlara cansağlığı, xoşbəxt həyat və səadət arzulayıb.
Uşaq bağçasının kollektivini bayramlar münasibəti ilə təbrik edən Abşeron RİH-in əməkdaşı Samirə İsmayılzadə Azərbaycanda uşaqların sağlam və bilikli böyümələrinin, Vətənə layiqli övlad kimi formalaşmalarının, mükəmməl təhsil almalarının prioritet məsələlərdən olduğunu bildirib və bu sahənin daim dövlətin diqqətində olduğunu deyib. Vurğulanıb ki, Abşeron rayonunda da son illərdə məktəbəqədər təlim-tərbiyə müəssisələrinin maddi-texniki bazasının möhkəmləndirilməsi məqsədilə xeyli iş görülüb, avadanlıq və inventarlarla təchizat yaxşılaşdırılıb, istilik sistemi tam bərpa olunub, ərzaq təminatı ciddi nəzarətə götürülüb.
Uşaqlar hazırladıqları səhnəcikləri, mahnı, şeir və rəqsləri həvəslə təqdim ediblər.
Sonda uşaqlara Yeni il hədiyyələri təqdim edilib.
