Abşeron rayonunun bütün ümumtəhsil məktəblərində olduğu kimi Xırdalan şəhər 1 nömrəli tam orta məktəbdə də tariximizin qanlı səhifəsi olan 20 Yanvar faciəsi anıldı.Məktəbin şagirdləri o qanlı gecənin şahidi olmadıqları halda kitablardan oxuduqları məlumat, televiziyadan seyr etdikləri kadrlara əsasən bu faciəni dilləndirdilər.Onlar müxtəlif səhnələr, insanlığa qarşı törədilmiş bu müsibətə həsr olunmuş şeirlərlə çıxış etdilər.Məktəbin dəhlizində şagirdlərin 20 Yanvar gecəsini təsvir edən əl işlərindən ibarət rəsm sərgisi qurulmuşdu.
Azadlığımızın ilk qaranquşları olan 20 Yanvar şəhidlərini qürur hissi ilə yad etdilər.20 Yanvar gecəsi o günlərə şəhidlər, bugünkü günlərə isə azadlıq gətirdi.Məktəblilər hər kəsi əmin etdilər ki, o qanlı gündən 25 il ötsədə onlar törədilmiş bu vəhşiliyi unutmayıblar, unutmayacaqlar və unutdurmayacaqlar.Sonda məktəbin direktoru Kamran müəllim o qanlı gecənin nəticəsidir ki, biz bu gün azadıq deyə məktəbliləri hər zaman vətənimizin, azadlığımızın keşikçiləri olmağa səslədi.
Redaktor:Çinarə Sadıxova
