ABŞ hökuməti vəd etdiyi kimi, Rusiyaya qarşı sansksiya siyahısını genişlətmişdir. Amerika Maliyyə Nazirliyinin saytında 41 fiqurantdan ibarət siyahı yerləşdirilmişdir. Onların arasında rusiyalı məmurlar, oliqarxlar və şirkətlər var. Maliyyə naziri Stiven Mnuçinin dediyinə görə, Rusiya hökuməti bütün dünyada müxtəlif cinayətkar hərəkətlərdə iştirak edir.
Sanksiyalara 7 rusiyalı oliqarx, 12 iri şirkət, 17 yüksək vəzifəli məmur məruz qalmışdır. Siyahıya Vladimir Boqdanov, Oleq Deripaska, Süleyman Kərimov, İqor Rotenverq, Kirill Şamalov, Andrey Skoç və Viktor Vekselberqin adları daxil edilmişdir.
ABŞ-ın məhdudiyyətlərinə həmçinin “B-Finance Ltd”, “Basic element Limited”, “En+Group Plc”, “YevroSibEnerqo”ASC və “QAZ qrupu”, “Rosoboroneksport” şirkəti və “Rusiya Maliyyə Korporasiyası” bankı məruz qalmışdır.