Bu gün Ermənistanda yeni prezident seçilmiş Armen Sarkisyanın inauqurasiya mərasimi keçiriləcək. 2008-ci ildən hakimiyyətdə olan Serj Sarkisyanın prezident kimi səlahiyyətləri bu gün başa çatacaq və o, postunu A.Sarkisyana verəcək.
İnauqurasiya mərasimi Bakı vaxtı ilə saat 12:00-da "Demirçyan" adına idman konsert kompleksində keçiriləcək. Mərasimə xüsusi olaraq xaricdən heç bir nümayəndə heyəti dəvət olunmayıb. Bununla da Ermənistanın parlament ölkəsinə çevrilməsi prosesi başa çatacaq.
Qeyd edək ki, aprelin 17-də ölkə parlamentində yeni baş nazir seçiləcək. Ekspertlərin fikrincə, bu postu Serj Sarkisyan tutacaq.