Balakən rayonunda May-Tay və Uşu- sanda üzrə Respublika birinciliyi keçirilib.Gənclər və yeniyetmələr arasında keçirilən birincilikdə respublikanın 10 şəhər və rayonlarından 160-dan çox idmançı öz bacarığını nümayiş etdirib. İdmançılar 4 yaş qrupunda mübarizə aparıblar. Komanda hesabında ilk pilləni Abşeron və Bakı idmançıları tutub. III və IV yerlərə Şəki və Balakən idmançıları yiyələniblər. Turniri keçirməkdə əsas məqsəd gənc və istedadlı idmançıları üzə çıxarmaqdır. Yarışda iştirak edən Abşeron idmancıları 12 qızıl,4 gümüş və 5 bürünc medalın sahibi olublar.
Abşeron Uşu- sanda və Muay Tay klubunun baş məşqçisi Elçin Eminov və məşqçi İsaev Rəşadın rəhbərliyi altında Əlili Natiq (21 kq), Əliyev Emin (24 kq), Rəsulzadə Həmzə (27 kq), İmaməliyev Zaur (32 kq), Məmmədov Əli (36 kq), Səfərov Ağayar (44 kq), Babayev Sabir (48 kq), Həsənov Riad (56 kq) qızıl medal qazanaraq birinci yeri tutublar.
Qeyd edək ki, digər boksçularımız arasında gümüş medal sahibi olan Ağayev Elmar (21 kq), Səfərov Əvəzağa (40 kq), İmaməliyev Murad (44 kq), Rüstəmov Murad (48 kq) isə ikinci yeri qazanıblar. Xəlilzadə Xəlil (36 kq), Məmmədov Söhbət (44 kq), Şirəliyev Abubəkr (48 kq) üçüncü yeri tutaraq bürünc medallarla təltif olunublar.
Azərbaycan çempionatında yer tutmuş idmançılar oktyabr ayında Riqada keçirilən Baltika çempionatında ölkəmizi təmsil edəcəklər. Onu da qeyd edək ki, Abşeronlu idmançımız Elçin Eminov sentyabr ayının 17- 20 si arası İranın paytaxtında Uşu- sanda üzrə kişilər arasında Farsa kuboku uğrunda yarışlara qatılacaq.
Redaktor: Ayşə Bayramova