Abşeron Rayon Gənclər və İdman İdarəsinin təşkilatçılığı ilə kecirilən turnirdə rayonun 26 məktəbindən 52 şagird (yeniyetmə qız və oğlanlar) birincilik uğrunda mübarizə aparıb
Tədbirdə çıxış edən idarənin rəisi Əsgər Əmirəliyev bildirdi ki, bu səpkidən olan yarışların təşkil edilməsi rayonda şahmat idman növünün inkişaf etdirilməsi, yeniyetmələrin bu idman növünə maraqlarının artırılması və asudə vaxtlarının səmərəli təşkili, həmçinin şahmat oyunu üzrə rayonun ən güclülərinin müəyyənləşdirilməsi məqsədi daşıyır
O həmçinin qeyd edib ki, Abşeron Rayon Gənclər və İdman İdarəsi dövlətimizin idmanın inkişafı istiqamətində apardığı siyasətə öz əməli ilə dəstək verən qurumlardan biridir.
İdarə tərəfindən mütəmadi olaraq rayonda idmanın müxtəlif növləri üzrə yarışların təşkil olunduğu da diqqətə çatdırılmışdır.
Nəticələrə görə İki gün davam edən yarışda,oğlanlar arasında Saray 3 nömrəli orta məktəbinin şagirdi Fərhad Fərhadlı,qızlar arasında isə Masazır 3 nömrəli orta məktəbinin şagirdi Nərmin Möhubbi şahmat yarışının qalibi adını qazanmışlar.
Masazır 3 nömrəli orta məktəbin şagirdi Kənan Məmmədli oğlanlar, Digah məktəbinin şagirdi Gülöyşə İbrahimova isə yeniyetmə qızlar arasında 2-ci, Xırdalan 5 nömrəli orta məktəbin şagirdi Nihad Hüseyinov oğlanlar,Qobu 2 nömrəli orta məktəbinin şagirdi Günel Bəşirzadə isə qızlar arasında 3-cü yerə layiq görülmüşlər.
Sonda qaliblərə Abşeron Rayon Gənclər və İdman İdarəsinin diplom və hədiyyələri təqdim olundu
Baş redaktor: Şamo Əliyev
