Bu gün Abşeron məktəbləri arasında “yumor səhnəcikləri” yarışmasının final mərhələsi kecirilib. Azərbaycan Yazılar Birliyi Abşeron bölməsinin və Abşeron rayon Təhsil şöbəsinin təşkilatçılığı ilə Xırdalan şəhər Heydər Əliyev Mərkəzində reallaşan yarışmada bölmə sədri Şəhla Ağbulud tədbirin keçirilmə zərurəti və məqsədləri barəsində məlumat verib. Məktəblərdə istedadlı şagirdlərin aktyorluq qabilyyətinin aşkar edilməsinə çalışdıqlarını vurğulayan Ş.Ağbulud münsiflər heyyətinin üzvlərini - Mədəniyyət və İncəsənət Üniversitetinin müəllimi, Musiqili Komedya Teatrının aktyoru, əməkdar artist Nadir Xasiyevi, Abşeron rayon İcra Hakimiyyətinin məsul əməkdaşları Tofiq Abdullayevi ,Hafiz Mikayilovu ,Abşeron rayon Təhsil şöbəsinin müdir müavini Pərviz Əhmədovu və Abşeron rayon Gənclər və İdamn idarəsinin rəisi Əsgər Əmirəliyevi yığıncaq iştirakçılarına təqdim edib.
Qeyd edək ki, kecən ayın yanvarından start götürən yarışmada ümumilikdə 38 məktəb iştirak edib. Final mərhələsində isə finala vəsiqə qazanmış 11 məktəb (Xırdalan 1,2,3,4,5,6,7 nömrəli məktəblər,Qobu 3 ,Mehdiabad 1, Goraddil tam orta məktəbləri ) birincilik uğrunda bir-birindən maraqlı yumoristik səhnəciklər nümayiş etdiriblər. Şagirdlər göstərdikləri səhnəciklərdə “Ailə-məişət” , “Şagird –müəllim” münasibətlərinə toxunublar. Hər səhnəcik başa catdıqdan sonra münsiflər heyyətinin üzvləri öz rəy və tövsiyyələrini bildirərək 10 ballıq sistemdə qiymətləndiriblər.
Yarışmada həmçinin AYB Abşeron bölməsinin üzvlərindən Hafiz Rüstəm,Şayə Güləliqızı və Mütalib Tahiroğlu iştiakçılara yeni şeirlərini oxuyublar.
Nəticələrə görə 1-ci yerə Xırdalan 7 Nömrəli tam orta məktəbin, 2-ci yerə Mehdiabad 1 və Xırdalan 5 nömrəli tam orta məktəblərin , 3-cü yerə isə Qobu 3, Xırdalan 1 və Xırdalan 6 nömrəli tam orta məktəblərin şagirdlərinin hazırladıqları yumoristik səhnəciklər layiq görülüb
Sonda qalib komandalar Abşeron RTŞ-nın və rayon Gənclər və idman idarəsinin Fəxri fərmanları,AYB Abşeron bölməsinin şairlərinin kitabları ilə təltif olunublar
