“Sağlamlıq imkanları məhdud uşaqların inklüziv təhsil imkanlarının artırılması üçün icma tipli qısamüddətli məktəbə hazırlıq kurslarının təşkili” adlı layihənin icrasına başlanılıb.
“Əlillərin Cəmiyyətə İnteqrasiysı” İctimai Birliyi, Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının dəstəyi ilə “Sağlamlıq imkanları məhdud uşaqların inklüziv təhsil imkanlarının artırılması üçün icma tipli qısamüddətli məktəbə hazırlıq kurslarının təşkili” adlı layihənin icrasına başlayıb. Abseron rayon İcra Hakimiyyətinin təşkilatçılığı ilə təhsil şöbəsində təşkil edilən marifləndirici görüşdə bu haqda lahiyənin rəhbəri Ramilə Mahmudova ətraflı məlumat verib.
Rayon ziyalılarının və təhsil işçilərinin iştirakı ilə keçirilən tədbirdə layihənin əsas məqsədi və məramı barədə danışan natiqlər diqqətə çatdırıblar ki, sağlamlıq imkanları məhdud məktəbəqədər yaşlı uşaqların məktəbə hazırlığının təmin edilməsi və digər həmyaşıdları ilə birgə inklüziv təhsilə cəlb olunma səviyyəsinin artırılması əsas şərtlərdən biridir. Təbii ki, buda icma tipli qısamüddətli hazırlıq kursları təşkil etməklə, valideynlər, mütəxəssislər arasında inklüziv təhsil sahəsində maarifləndirmə işini həyata keçirməklə həmin qəbildən olan uşaqların cəmiyyətə inteqrasiyasına dəstək verməkdən ibarətdir.
ADPU- elmi işçisi Aynur Abdullayeva, ƏCİ-nin rəhbəri Davud Rəhimli, Əlillər üzrə ekspert Bəybala Abdullayev, “Azimut” tədris kursunun təsisçisi və direktoru Zərnişan Kazımova, Psixoloq- loqoped Ləman Rəfiyeva çıxiş edərək vurğulayıblar ki, Abşeron rayonunda icma tipli qısamüddətli məktəbə hazırlıq kurslarınin təşkil edilməsi, usaqlarin maarifləndirilməsi, zəruri hallarda onlara mənəvi-psixoloji və hüquqi dəstək xidmətlərin göstərilməsi, bununla bağlı müxtəlif aktual mövzular üzrə tədbirlərin keçirilməsi kimi vəzifələrin yerinə yetirilməsi layihənin qarşısında duran vəzifələrdən biri hesab edilir.
Layihənin yekununda bu qəbildən olan uşaqların sosial inklüziyasının təmin edilməsi məqsədilə müvafiq sahədə qanunvericiliyin və institusional mexanizmlərin daha da təkmilləşdirilməsi ilə bağlı təkliflər hazrlanaraq aidiyyəti dövlət orqanlarına təqdim ediləcəyi bildirilib.