Abşeron rayon İcra Hakimiyyətinin təşkilatçılığı və rayon Gənclər və İdman İdarəsinin dəstəyi ilə Xırdalan şəhərində fəaliyyət göstərən körpələr evi-uşaq bağçalarının məktəbəhazırlıq qruplarının Ümummilli lider Heydər Əliyevin anadan olmasının 94 il dönümünə və IV İslam Həmrəyliyi Oyunlarının təbliğinə həsr olunmuş idman yarışı keçirilib.
23 № körpələr evi-uşaq bağçasınının idman zalında baş tutan yarışda Azərbaycan Respublikasının Dövlət Himni səsləndirilib və yarışlar açıq elan edilib.
Tədbiri giriş sözü ilə açan Abşeron rayon İcra Hakimiyyəti başçısının müavini Fuad Cəbrayılov Ümumimilli Lider H. Əliyevin xatirəsinə və IV İslam Həmrəyliyi Oyunlarının təbliğinə həsr olunmuş birincilikdə iştirak edən balacaları salamlayıb və hamıya uğurlar arzulayıb. F.Cəbrayılob qeyd edib ki, Prezident İlham Əliyevin 10 yanvar 2017-ci il tarixli sərəncamı ilə 2017-ci ilin Azərbaycan Respublikasında “İslam Həmrəyliyi İli” elan edilməsi isə IV İslam Həmrəyliyi Oyunlarını, ən azı, 50 ölkə gənclərinin ikiqat bayramına çevirəcək. Bu tarixi hadisə İslam ölkələrinin gəncləri arasında təkcə idman deyil, bütün sahələrdə əlaqələrin daha da möhkəmləndirilməsi istiqamətində çox mühüm tədbir olacaq. Bu gün cəsarətlə, böyük qürur hissi ilə deyə bilərik ki, Bakıda IV İslam Həmrəyliyi Oyunları – 2017 öz yüksək təşkilatçılıq səviyyəsi ilə birinci Avropa Oyunları – 2015-dən heç də geri qalmayacaq, əksinə, onu bir qədər də üstələyəcəkdir. On gün ərzində, mayın 12-dən 22-dək keçiriləcək yarışlarda Azərbaycan paytaxtında IV İslam Həmrəyliyi Oyunlarında əsl birlik, qonaqpərvərlik, xeyirxahlıq ab-havası yaşanacaq. minlərlə idmançı yüksək nəticələr və medallar uğrunda rəqabət aparacaq. Bakı Olimpiya Stadionunda, Heydər Əliyev adına İdman Sarayında, Milli Gimastika Arenasında, Tofiq Bəhramov adına Respublika Stadionunda, “Kristal Zal”da, Su İdmanı Sarayında, Atıcılıq Mərkəzində və bir-birindən gözəl digər idman qurğularımızda tarixin yaddaşına köçəcək günləri sonralar həyatlarının ən xoş anları kimi xatırlayacaqlar.
Sonra mərasimin bədii hissəsi başlayıb. Bədii hissədə 23 № körpələr evi-uşaq bağçasının fidanları əllərində toplar, halqalar, ağaclar, iplər növbə ilə səhnəyə daxil olub, musiqi sədaları altında müxtəlif idman hərəkətlərini yerinə yetiriblər. Tədbir çox maraqlı və yadda qalan isə Bakı-2017 IV İslam Həmrəyliyi Oyunlarının təbliği məqsədilə fleşmob-un keçirilməsi olub.Belə ki, 10 -dan çox uşağ yarışın keçirildiyi zala daxil olaraq oyunlarda iştirak edəcək ölkələrin bayraqları ilə hər kəsi salamlayıb, “Bakı sizi qarşılamağa hazırdır” mesajını veriblər.
Yarışda Xırdalan şəhərində fəaliyyət göstərən körpələr evi-uşaq bağçalarının məktəbəhazırlıq qrupunun uşaqları öz komandaları ilə müxtəlif əyləncəli oyun növləri üzrə yarışıblar. Mərasimdə 6 komanda və hər komandada 10 uşaq yarışa qoşulub. I uğurunda gedən mübarizədə 1 № körpələr evi-uşaq bağçasını "Göy Qurşağı", 15 № körpələr evi-uşaq bağçasını "Buta", 24 № körpələr evi-uşaq bağçasını "Göyərçin", 25 № körpələr evi-uşaq bağçasını "Şahinlər", 23 № körpələr evi-uşaq bağçasını "Günəş" və 17 № körpələr evi-uşaq bağçasını "Şirinlər" komandası təmsil edib.
Komandalararası yarış 3 mərhələdə keçirilib.
Yarış boyu Abşeron RİH-in Yetkinlik yaşına çatmayanların işləri və hüquqlarının müdafiəsi üzrə komissiyanın uşaqlarla iş üzrə məsləhətçi-psixoloqu Seymur Qasımov, Abşeron Gİİ-nin rəisi Əsgər Əmirəliyev, 27 № körpələr evi-uşaq bağçasınının müdirəsi Samirə Məmmədova, 4 qat avropa çempionu,Beynəlxaq hakim Xəyam Abışov, rayon Mədəniyyət Mərkəzinin əməkdaşı Gülçin Əzizova və Kinbox üzrə dünya çempionu , Respublika dərəcəli hakim Günay Haciyeva münsiflər heyəti olaraq komandaları qiymətləndiriblər. Bir-birindən maraqlı və əyləncəli idman növləri üzrə yarışan komandaların sonda yekun qiymətləndirilməsi aparılıb.
İdman yarışında 23 № körpələr evi-uşaq bağçasınının "Günəş" komandası I, 25 № körpələr evi-uşaq bağçasının "Şahinlər" komandası ikinci, 15 № körpələr evi-uşaq bağçasının "Buta" komandası isə üçüncü olub.
Balacaların yarışda xüsusi fəallığı və əzimkarlığı hamı tərəfindən rəğbətlə və alqışlarla qarşılanıb.
Sonda yarış iştirakçıları Abşeron rayon İcra Hakimiyyəti başçısının müavini Fuad Çəbrayılov tərəfindən medal, kubok, diplom və qiymətli hədiyəllərlə təltif olunub və birlikdə xatirə şəkli çəkdirilib.
Şamo Əliyev
