15 saylı bağçada Heydər Əliyevin anadan olmasının 94-cü ildönümünə həsr olunmuş tədbir

5 may 2017-ci il tarixində Xırdalan şəhər 15 saylı körpələr evi-uşaq bağçasında ümummilli lider Heydər Əliyevin anadan olmasının 94-cü ildönümünə həsr olunmuş tədbir keçirildi.

Tədbirdə çıxış edən adı cəkilən bağçanın müdirəsi Mətanət Novruzova Ümummilli Lideri Heydər Əliyevin sadəcə cismən bizlərdən ayrıldığını, mənən qəlblərdə yaşadığını qeyd etdi. O, həmçinin belə gözəl bayramın uşaq bağçasında gələcəyimiz olan körpələrlə qeyd edilməsində əməyi kecən hərkəsə təşəkkürünü bildirdi. Uşaqlara Heydər Əliyevin nəvələri olmaları ilə fəxr etməli olduqlarının bildirdi.

Sonra bağçanın balaca fidanlarının hazırladıqları ədəbi-bədii kompozisiya nümayiş etdirildi. Balacalar Ulu Öndər Heydər Əliyevə həsr olunmuş şeirlər dedilər, mahnılar oxudular və rəqs etdilər.