Bu gün Abşeron rayonu Perekeşkül qəsəbəsində yerləşən Müdafiə Nazirliyinin N saylı hərbi hissəsində əsgərlər üçün Azərbaycan silahlı qüvələrin yaranması günü tədbir keçirilib.
Tədbirdə Abşeron Rayon İcra Hakimiyyətinin başçısısının müavini İlham Quliyev , rayonun hüquq mühafizə orqanlarının rəhbərləri, rayon ictimayyətinin nümayəndələri, KİV- nin əməkdaşları və hərbi hissənin şəxsi heyəti iştirak edib. Tədbir iştirakçıları əvəlcə N- saylı hərbi hissədə Ümummilli Lİder Heydər ƏLiyevin büstünün qarşısına tər qərənfillər düzərək dərin hörmətlə ziyarət etdilər.
Bayram şənliyində Abşeron rayon Mədəniyyət və Turzm idarəsinin və Xırdalan şəhər Mədəniyyət mərkəzinin müğənilərin, aktyorların və akrisaların, rəqs qruplarının rəngarəng çıxışları xüsusi yaraşıq verdi. Rayon mədəniyyət və turizm şöbəsinin musiqi kollektivinin ifasında təqdim olunan rəngarəng musiqi nömrələri, Vətənə və orduya həsr edilmiş şeir kompozisiyası alqışlarla qarşılandı. Qonaqlarla birgə rəqs edən əsgərlər əsl bayram sevinci yaşayırdılar.
Hərbi hissə komandir, zabit heyyəti çıxış edərək Abşeron Rayon İcra Hakimiyyəti rəhbərliyinə diqqət və qayğıya görə öz minətdarlıqlarını bildidilər. Natiqlər vurğuladılar ki, Milli ordunun yaranmaı gününü əsgərlərlə birlikdə keçirməsini yüksək qiymətləndirərək ölkədə orduya böyük diqqət və qayğının göstərildiyini, əsgərlərimizin işğal altında olan torpaqları azad etməyə hər zaman hazır olduqlarını qey etdilər.
Abşeron Rayon İcra Hakimiyyətinin başçısının müavini İlham Quliyev Abşeron Rayon İcra Hakimiyyətinin başçısının müavini İlham Quliyev çıxışını Abşeron rayon ictimaiyyətinin salamlarını çatdırmaqla başladı. Rayon İcra Hakimiyyətinin başçısı İradə xanım Gülməmmədovanın adından qarşıdan gələn 26 iyun- Silahlı Qüvvələr günü münasibətilə hər birinizi səmimi qəlbdən təbrik edir, Sizlərə möhkəm cansağlığı, bu şərəfli işinizdə uğurlar arzu edirəm. Bu gün Azərbaycan Silahlı Qüvvələrinin yaranmasından 99 il ötür. Hamımıza yaxşı məlumdur ki, 1918-ci ildə müstəqillik əldə edildikdən sonra Azərbaycan Xalq Cümhuriyyətinin həyata keçirdiyi mühüm tədbirlərdən biri də məhz Milli ordunun təşkili olmuşdur. 1918-20-ci illərdə görkəmli generallarımız Səməd bəy Mehmandarov, Əliağa Şıxlinski, Xosrov bəy Sultanov, Hüseynxan Naxçıvanski, Həbib bəy Səlimov və digər peşəkar hərbiçilərimizin rəhbərliyi ilə Azərbaycanda yüksək döyüş qabiliyyətli, hərbi hazırlığa və intizama malik milli ordu hissələri formalaşmışdır. Çox təəsüf ki, Əlahiddə Azərbaycan Korpusunun yaradılması ilə ordu quruculuğunun əsası qoyulsa da Xalq Cümhuriyyəti süqut etdikdən sonra ölkəmizdə ordu quruculuğu prosesi dayanmışdır. Sovet hakimiyyəti dövründə Rusiya imperiyasının azərbaycanlılara qarşı hərbi siyasəti dəyişməmişdir. Hamımıza yaxşı məlumdur ki, bu dövrdə azərbaycanlı gənclər döyüş üçün nəzərdə tutulmuş hərbi hissələrdə yox, əsasən tikinti batalyonlarında xidmətə göndərilirdilər. Məqsəd isə azərbaycanlılar arasında hərb elminə dərindən yiyələnən, müasir silahlarla rəftar etməyi bacaran hərbçilərin yetişdirilməsinə imkan verməmək olmuşdur. Yalnız Ulu Öndər Əliyevin SSRİ dövründə və müstəqillikdən sonra Azərbaycana rəhbərlik etdiyi dövrdə ordu quruculuğu, hərbi kadrların hazırlığı məsələlərinə xüsusi diqqət yetirilmişdir. Hələ 1971-ci ildə Cəmşid Naxçıvanski adına hərbi liseyin təşkilinə nail olan, yüzlərlə gəncin SSRİ-nin ixtisaslaşdırılmış hərbi məktəblərə qəbulunu təşkil edən Heydər Əliyevin sovet dönəmindəki ordu quruculuğu siyasəti müstəqillik qazandıqdan sonra öz bəhrəsini vermişdir. Məhz Ümummilli Heydər Əliyevin gərgin zəhməti sayəsində bu gün Azərbaycanın qüdrətli və nizami bir ordusu formalaşmışdır. Bəzi tarixi məqamları diqqətinizə çatdırmaq istərdim. Azərbaycan yenidən müstəqilliyə qovuşduqdan sonra 1991-ci il sentyabrın 5-də Müdafiə Nazirliyinin yaradılması baradə qərar və həmin il oktyabrın 9-da Azərbaycan Respublikasının Ali Soveti tərəfindən Silahlı Qüvvələrin yaradılması haqqında qanun qəbul edilməsinə baxmayaraq, o vaxtki respublika rəhbərliyi bu qərarların həyata keçirilməsi istiqamətində heç bir səy göstərməmişdir. Torpaqların müdafiəsi yalnız pərakəndə fəaliyyət göstərən könüllü dəstələrin ümidinə qalmışdı. Həmçinin, şəxsi mənafelərə qulluq edən ayrı-ayrı başıpozuq silahlı dəstələr vardı. Bütün bunlara yalnız ümummilli lider Heydər Əliyev 1993-cü ildə yenidən hakimiyyətə qayıtdıqdan sonra son qoyuldu. Heydər Əliyev bütün sahələrdə olduğu kimi Silahlı Qüvvələrin Ali Baş Komandanı olaraq hərbi sahədə də dirçəlişə nail ola bildi. O, yerli özünümüdafiə və könüllü batalyonlar adı altında fəaliyyət göstərən silahlı birləşmələri ləğv edərək, vahid komandanlıq sistemində təşkil olunan nizami ordu yaratdı. Ulu Öndər Heydər Əliyevin tarixi xidmətlərindən biri də 1998-ci il 22 may tarixli Fərmanı ilə 26 iyun tarixinin Silahlı Qüvvələr günü kimi təsis edilməsidir. Artıq 19 ildir ki, 26 iyun tarixi Azərbaycanda ümumxalq bayramı kimi qeyd edilir. Əsası Ulu Öndər Heydər Əliyev tərəfindən qoyulmuş müasir ordu quruculuğu siyasəti bu gün Silahlı Qüvvələrin Ali Baş Komandanı, Prezident cənab İlham Əliyev tərəfindən uğurla davam etdirilir. Çox fərəhləndirici və qürurverici haldır ki, cənab İlham Əliyevin rəhbərliyi altında Azərbaycan Silahlı Qüvvələrinin yüksək səviyyəli maddi- texniki bazaya malik, müasir hərbi texnika ilə təchiz eilmiş, möhkəm nizam-intizam və yüksək döyüş qabiliyyətinə malik olan bir ordusu formalaşmışdır. Bu gün Abşeron rayonu ərazisində yerləşən bu hərbi hissə bunun əyani sübutudur və biz rayon ictimaiyyəti olaraq, ordumuz üçün burada yaradılan şəraitdən qürur duyuruq. Bu gün regionun ən güclü ordusu olan müasir və qüdrətli ordumuz Prezident, Ali Baş Komandan İlham Əliyevin rəhbərliyi ilə erməni işğalı altında olan torpaqlarımızı hər an azad etməyə qadirdir.Ötən ilki aprel döyüşləri Silahlı Qüvvələrimizin gücünü, döyüş qabiliyyətini və əzmini bir daha sübut etdi. Əminik ki, sülh danışıqları bir nəticə verməzsə , Ordumuzdakı sizi kimi vətənpərvər, mərd Azərbaycan oğulları sayəsində , Ali Baş Komandan İlham Əliyevin rəhbərliyi altında tezliklə işğal altında olan torpaqlarımız erməni işğalçılarından azad ediləcək və üçrəngli bayrağımız doğma Qarabağımızda, Şuşamızda, işğal altında olan digər torpaqlarımızda dalğalanacaqdır. Hörmətli tədbir iştirakçıları! Qarşıdan həmçinin Ramazan bayramı gəlir. Bu münasibətlə də bütün xalqımızı təbrik edirəm. Arzu edirəm ki, xalqımız üçün müqəddəs olan bu günlərdə allah bütün dualarımızı qəbul etsin, ölkəmizdə daim əmin amanlıq olsun və siz əsgərlər sağ-salamat xidmətlərinizi başa vurub valideynlərinizin yanına qayıdasınız. Bir daha Silahlı Qüvvələr günü və Ramazan bayramı münasibətilə Abşeron rayon İcra Hakimiyyətinin başçısı İradə xanım Gülmmədovanın adından, rayon ictimaiyyəti adından Azərbaycan Respublikasının Müdafiə Naziri, general-polkovnik cənab Zakir Həsənovu və onun rəhbərliyi altında olan bütün əsgər və zabitlərimizi təbrik etdi.
Tədbir incəsənət nümayəndələrinin konserti proqramı ilə davam etdirildi. N- saylı hərbi hissənin rəhbərliyi tədbirdə iştirak edən bir qrup sənətçiyə fəxri diplomlar təqdim etdilər.
Sonra qonaqlar əsgər yataxanası və yeməkxanası ilə tanış oldular. Rayon ictimayyətinin nümayəndələri əsgər yeməyindən dadaraq onlarla həmsöhbət oldular.
