Abşeron Karateçiləri komanda hesabında birinci oldu

25 iyun 2017-ci il tarixində Azərbaycan Respublikası Gənclər və İdman Nazirliyinin Şərq Əlbəyaxa Döyüş növləri Federasiyaları Şurasının və Azərbaycan Kyokuşinkaykan Karate və Ciyutaido Federasiyasının birgə təsdiq olunmuş Əsasnaməsinə uyğun olaraq Şağan Olimpiya İdman Kompleksində yeniyetmələr (kiçik, orta, böyük) gənclər, kişilər, qızlar və qadınlar arasında Kyokuşinkay Karate idman növü üzrə XXIV Respublika Çempionatında Abşeron idmançıları da iştirak ediblər.

Yarışda müxtəlif şəhər və rayonlarından olan 20 komanda iştirak edib. 400-ə yaxın idmançının mübarizə apardığı yarışda qazanılan medalların sayına görə “Abşeron” komandası bütün komandaları qabaqlayaraq birinci yerə layiq görülüb.Çempionatda 20 nəfərlə təmsil olunan komandamızın idmançıları 17 medal qazanıb.(9 qızıl, 5 gümüş, 3 bürünc )

İdmançılar Respublika çempionatında rayonumuzu Abşeron komandasının baş məşqçisi, II dan qara kəmər sahibi, Beynəlxalq yarışların qalibi Elşad Əliyevin rəhbərliyi altında təmsil ediblər.

Şamo Əliyev