Bu gün Abşeron rayonu Perəkəşkül qəsəbəsində yerləşən Müdafiə Nazirliyinin N saylı hərbi hissəsində Qurban bayramı münasibəti ilə Abşeron Rayon İcra Hakimiyyətinin dəstəyi ilə əsgərlər üçün bayram təşkil edilib.
Tədbirdən əvvəl Abşeron RİH-in əməkdaşları və hərbi hissənin zabitləri ümummilli lider Heydər Əliyevin hərbi hissənin həyətində ucalan büstü önünə güllər düzərək, Ulu Öndərin əziz xatirəsini yad ediblər.
Sonra Azərbaycan Respublikasının Dövlət himni səslənib və Müdafiə naziri general-polkovnik Zakir Həsənovun Qurban bayramı münasibətilə Silahlı Qüvvələrin şəxsi heyətinə ünvanladığı təbrik məktubu oxunub.
Bayram tədbirində çıxış edən hərbi hissənin komandiri göstərilən diqqət və qayğıya görə şəxsi heyəti adından Abşeron Rayon İcra Hakimiyyətinin başçısı İradə Gülməmmədovaya dərin təşəkkürünü bildirib. O, hər bir əsgər və zabit əzəli və əbədi torpağımız olan Qarabağı düşmən tapdağından azad etmək üçün hər an Ali Baş Komandan, Azərbaycan Prezidenti İlham Əliyevin əmrinə hazır olduğunu xüsusilə vurğulayıb.
Əsgərlər və zabitlər qarşısında çıxış edən Abşeron Rayon İcra Hakimiyyəti başçısı aparatının İctimai-siyasi və humanitar məsələlər şöbəsinin müdir müavini, dini qurumlarla işin təşkilatçısı Vüqar Bəşirov rayon rəhbərliyi adından təbriklərini çatdıraraq, onlara çətin və şərəfli xidmətlərinin yerinə yetirilməsində uğurlar arzulayıb. V. Bəşirov çıxışında Ali Baş Komandanın rəhbərliyi altında torpaqlarımızın tezliklə azad olunacağına və bayrağımızın doğma Qarabağmızda dalğalanacağına əminliyini bildirdi.
Tədbirdə xidmətində fərqlənən bir qrup hərbi qulluqçuya təşəkkürnamə və fəxri fərman verilib, hərbi hissənin şəxsi heyəti üçün rayon rəhbəri tərəfindən göndərilmiş 12 xırdabuynuzlu heyvan qurban kəsilib.
Tədbir bayram konserti ilə davam edib.
Şamo Əliyev