13-15 oktyabr 2017-ci il tarixlərində Türkiyənin İstanbul şəhərində Kyokuşinkay Karate idman növləri üzrə keçirilən Dünya Kubokunda ölkəmiz "Abşeron” İdman Klubunun idmançıları ilə təmsil olunub.
Dünya Kuboku uğurunda yarışda döyüş meydanına birinci gənc idmançımız, komandanın baş məşqçisi Elşad Əliyev çıxıb və dünya kubokunun sahibi olub.
21 ölkədən 400-dən çox idmançının qələbə uğrunda mübarizə apardığı Çempionatda Abşeron idmançılarından, Kənan İsayev, Ömər Hacıyev, Murad Lahıcov, Sultan Hüseyinov, Fərhad Bağırov birinci, Tərlan Şeydayev, Hüseyin Novruzov,İsmayıl Qurbanov ikinci, Həsən Həmzəyev isə üçüncü yeri tutub. Ümumi hesabda komandamız birinci pillədə qərarlaşıb. Rusiya və Türkiyə milliləri isə müvafiq olaraq ikinci və üçüncü pillələrdə yer alıblar. İdmançıları yarışa Kyokuşinkay Karate idman növü üzrə Dünya çempionu, Abşeron komandasının baş məşqçisi, II dan qara kəmər sahibi, Beynəlxalq yarışların qalibi Elşad Əliyev hazırlayıb.
Yarışla bağlı təəssüratlarını “Abşeron Xəbər” portal ilə bölüşən Elşad Əliyev idmançılarımızın çıxışları barədə məlumat verib: “ yarışın çətin keçəcəyini bilirdik. Yarışa 10 idmanç ilə qatılmışdıq və uğurlu nəticə ilə - 6 qızıl, 2 gümüş və 1 bürünclə vətənə döndük.İdmançılarımız onlara bəslənilən ümidləri doğrultdular.Bizə daima dəstək olan Abşeron rayon İcra Hakimiyyətinin başçısı İradə Gülmmədovaya, rayon gənclər və İdman İdarəsinin rəisi Əsgər Əmirəliyevə , təşəkkür edirik. İnanıram ki, növbəti yarışlarda da idmançılarımız uğurlu çıxış üçün öz üzərlərində daha da səylə çalışacaqlar.”.
