Yaxın günlərdə ölkə prezidenti İlham Əliyevin Abşeron rayonuna səfəri gözlənilir. Səfər çərçivəsində rayonda yenidən inşa edilən Heydər Parkı, Heydər Əliyev Mərkəzi, Musiqi və Şahmat məktəbi ,əyləncə mərkəzi ,Masazır kəndində yeni inşa edilmiş futbol meydançasının və parkda yeni salınan Bayraq Meydanının,Tarix diyarşünaslıq muzeyinin açılışı gözlənilir.Azərbaycan Respublikasının Prezidenti cənab İlham Əliyevin rayonların,Bakı şəhəri və paytaxtətrafı qəsəbə və kəndlərin sosial-iqtisadi inkişafının sürətləndirilməsi üçün verdiyi tapşırıqlar, imzaladığı sərəncamlar, bu tədbirlərin icrasına ayırdığı diqqət, hər yerdə olduğu kimi, Abşeron rayonunda da öz müsbət nəticələrini verməkdədir. Aparılan tikinti-quruculuq, abadlıq işləri geniş vüsət alaraq, rayonun simasını xeyli dəyişib.
Rayon İcra Hakimiyyətinin başçısı cənab Zakir Fərəcovun rayona rəhbər təyin edildiyi ilk günlərdən götürdüyü xətti-hərəkət tikinti-quruculuq işlərini gündəlik təlabata və çox mühüm bir ənənəyə çevirmişdir. Rayon İcra Hakimiyyəti Başçısının təşəbbüsü və fəal təşkilatçılığı ilə rayonun idarə, müəssisə və təşkilat rəhbərlərinin, ictimaiyyət nümayəndələrinin iştirakı ilə geniş və operativ müşavirələr keçirilmiş, problemlər araşdırılaraq müzakirə edilməklə və konkret yollar göstərilməklə rayonun tikinti-quruculuq , abadlıq işlərinə kompleks halında başlanmışdır.
Şəhərin küçə və meydançalarının, prospektlərinin yenidən tikilib qurulması üçün müasir tipli layihələr hazırlanmış, fəvvarələrin , iri həcimli dekorativ elementlərin və digər memarlıq üslublarının həyata keçirilməsi üçün sifarişlər verilmişdir
Hal-hazırda Abşeron rayonu ən çox abadlıq-bərpa, tikinti-quruculuq işlərinin aparıldığı rayonlardan biridir. . Abşeron Rayon İcra Hakimiyyəti də dinamik yüksəliş üçün bütün zəruri tədbirləri həyata keçirməyə, ölkədəki inkişaf prosesinə layiqli töhfəsini verməyə çalışır. Rayon sakinlərinin razılığına səbəb olan quruculuq tədbirləri Abşeron rayonunun bütün kənd və qəsəbələrində qabarıq hiss olunur.
Ümumiyyətlə, icra başçısı cənab Zakir Fərəcov rayonda əsaslı dəyişiklik edib. Rayon mərkəzi yenidən qurulub, yeni parklar, istirahət guşələri,məktəblər, bağçalar,həkim ambulatoryaları və stadionlar tikilib istifadəyə verilib. rayonu büstbütün dəyişdi”. Belə ki, Abşeron rayonu Zakir Fərəcovun şəxsən nəzarəti altında aparılan abadlıq və yenidənqurma işləri sistemli və mərhələli şəkildə həyata keçirilib.
Heydər Əliyev adına istirahət parkı, Heydər Əliyev Mərkəzi,Musiqi və Şahmat məktəbi, Bayraq Meydanı istifadə üçün tam hazırdı.
Yaşayış binalarının dam örtüyü yenilənb, binalar əsaslı təmir olunub. Həmçinin Heydər Əliyev prospektinin , digər prospekt və küçələrin asfaltlanması və yol kənarlarının abadlaşdırılması başa çatıb. Rayon ərazisində çoxmərtəbəli inzibati və yaşayış binalarının fasadlarında yeni, müasir fasad örtüklərindən istifadə edilməklə üzləmə işləri yekunlaşmaqdadır. Rayonun ərazisində yaşıllıqlar salınıb, dekorativ ağac və gül kolları əkilib. Gecə işıqlandırması üçün işıq dirəkləri basdırılıb.
Rayonda idmana da böyük diqqət ayrılıb.Kənd və qəsəbələrimizdə,rayonun mərkəzində tikilib istifadəyə verilən mini futbol meydançaları gənclərə böyük tövhədir. Ayrılmış geniş ərazidə “İdman Kompleksi”nin tikintisi isə daha böyük layihədir.
Bu gün ölkəmizdə respublika əhəmiyyətli yollarla bərabər, rayon və kənddaxili yolların da müasir səviyyədə tikintisi və yenidən qurulması istiqamətində mühüm işlər görülür.
Abşeron rayonunda da yol infrastrukturunun inkişafı diqqət mərkəzində saxlanılır, kənd və qəsəbələrimizdə yeni avtomobil yolları çəkilir. Ərazidəki yol-nəqliyyat infrastrukturunun yeniləşməsi və kəndarası yolların asfaltlanması istiqamətində kompleks tədbirlər həyata keçirilir. Yolun əsaslı şəkildə yenidən qurulması rayon rəhbəri cənab Zakir Fərəcovun Abşeronlulara göstərdiyi qayğının daha bir nümunəsidir.
Bir sözlə, Abşeron rayonu Prezident İlham Əliyevin dəstəyi və cənab Zakir Fərəcovun nəzarəti ilə yenidən qurulub.
Beləliklə, Abşeron və Abşeronlular prezident İlham Əliyevi qəbul etməyə hazırdır.
Baş redaktor: Şamo Əliyev
