Abşeronda yeniyetmələr arasında “Xəmsə” milli intellektual oyunu üzrə Azərbaycan çempionatının rayon mərhələsi keçirildi.Abşeron rayon gənclər və idman idarəsinin və Gənclərin İntellektual İnkişaf Mərkəzininnin təşkilatçılığı ilə Xırdalan şəhərində yerləşən möhtəşəm Heydər Əliyev Mərkəzində keçirilən yarışda çıxış edənlər bu yarışmanın əsas məqsədinin yeniyetmələrin intellektual səviyyəsini, dünyagörüşünü, zehni inkişafını stimullaşdırmaq, onlar arasında bilik və elmin nüfuzunu artırmaq, Azərbaycanın zəngin milli mədəniyyətinin və tarixinin təbliği, eləcə də yeniyetmələrin asudə vaxtlarının səmərəli təşkili istiqamətində yeni üsullar tətbiq etməkdən ibarət olduğunu bildirdilər.
Çempionatın rayon mərhələsində 17 yaşa qədər yeniyetmələrdən ibarət 16 komanda, hər komandada 5 nəfər olmaqla ümumilikdə 80 iştirakçı öz bilik və bacarıqlarını sınamışdır. Yarışın yekununda Abşeron rayonunda ki, 9 nömrəli tam orta məktəbin "Pənc Gənc " komandası birinci, Ceyranbatan 1 saylı tam orta məktəbin "Uğur " komandası ikinci yerləri tutmuşlar.
Yarışda I və II yeri tutmuş komandalar ölkə çempionatının zona mərhələsində iştirak etmək hüququ qazanmışlar.
Komandalara rayon gənclər və idman idarəsinin medal, diplom və qiymətli hədiyyəlləri təqdim edilmişdir.
Abşeron Xəbər-ə müsahibə verən Abşeron rayon Gənclər və İdman İdarəsinin rəisi Əsgər Əmirəliyev qürur hissi ilə bildirdi ki, son illər rayon rəhbəri cənab Zakir Fərəcovun təhsilə və idmana göstəridi diqqət və qayğı, müəllimlərin yüksək peşəkarlığı, tədrisin keyfiyyətinin nümunəviliyi məhz həmyerlilərimizin bilik yarışlarında qalib gəlmələrinə etibarlı zəmin yaradır
Qalib komandanın təmsil etdiyi 9 nömrəli tam orta məktəbin direktoru Həcər xanım İbrahimova qeyd etdi ki, bu yarışmalara ciddi önəm verməyimizin nəticəsidir ki, komandamız "Pənc Gənc " 16 məktəbin yeniyetmə komandaları arasında keçirilən yarışda qalib adını qazanmışdır. Bununla da respublika çempionatında çıxış etmək hüququnu əldə etmişdir. Söz yox ki, məktəblilərimiz həmin yarışlarda da onlara göstərilən etimadı qələbə sevincləri ilə doğruldacaqlar.O həmçinin bildirdi ki, kecənil Xəmsə yarışmasında məktəbimizin komandası Respublika turuna gedib çıxmış və II yerə layiq görülmüşlər.Sonda Həcər xanım vurğuladı ki,ümid edirəm ki,belə intelektual bilik səviyyəsinə malik şagirdlərimiz bizim etimadlarımızı doğruldaçaq və Qəbul imtahnlarında 100% nəticə göstərəcəklər
Baş redaktor: Şamo Əliyev
