21.10.2014-cü il tarixdə Binəqədi rayonu, H.Seyidzadə küçəsi 40 ünvanda Binəqədi rayon Yanğından Mühafizə Hissəsinin akt zalında 1-ci ərazi Dövlət Yanğın Nəzarəti İdarəsi tərəfindən “Payız-Qış mövsümündə yanğın təhlükəsizliyi tədbirləri: Yerli İcra Hakimiyyəti orqanları və qurumlar qarşısında duran vəzifələr” mövzusunda seminar-müşavirə keçirilmişdir.
Müşavirədə Binəqədi, Abşeron, Qaradağ və Qobustan rayonlarının İcra Hakimiyyətləri başçılarının müavinləri və həmin rayonların dövlət qurumları rəhbərləri iştirak etmişdirlər.
Payız-Qış mövsümündə yanğın təhlükəsizliyinin təmin olunması üçün qarşıda duran əsas vəzifələr, Qaz təsərrüfatı: yanğın partlayış zəhərlənmə təhlükəsindən necə mühafizə olunmalı, Elektrik təsərrüfatı ilə bağlı yanğın təhlükəsizliyi tədbirləri mövzusunda çıxışlar olmuşdur.
Müşavirədə həmçinin rayon İcra Hakimiyyətləri başçılarının müavinləri və aidiyyatı qurumların rəhbərləri Payız-Qış mövsümündə yanğın təhlükəsizliyinin təmin olunması ilə bağlı işlər barədə çıxışlar etmişdirlər.
Müşavirənin sonunda yeni texnalogiyalar əsasında hazırlanmış ilkin yanğınsöndürmə vasitələri haqqında məlumatlar verilmiş, foto-stendlər, dəm qazından ehtiyatlı olun adlı qısa metrajlı film nümayiş etdirilmiş və Yanğın təhlükəsizliyi qaydaları təbliğ edən plakat və yaddaş vərəqələri seminar-müşavirə iştirakçılarına paylanılmışdır.
Baş redaktor: Şamo Əliyev
