“Mən dünyada müəllim adından yüksək, şərəfli bir ad tanımıram”.
Heydər Əliyev
13 oktyabr 2014-cü il. Abşeron rayonunun sosial-iqtisadi inkişafında xidmətləri olan şəxslərə fəxri adların verilməsi haqqında Azərbaycan Respublikası Prezidentinin Sərəncamı Qobuluların sevincinə səbəb olub
Beləki həmin gün fəxri ada layiq görülənlərdən biridə Qobu qəsəbə Qəzənfər Xaliqov adına 1 saylı tam orta məktəbin direktoru Cəfərquliyev Cəbrayıl İmanqulu oğludur
Bu münasibətlə bugün Qobu qəsəbə Qəzənfər Xaliqov adına 1 saylı tam orta məktəbin konfrans zalında tədbir keçirildi
Tədbirdə Abşeron rayon təhsil şöbəsinin müdiri və məsul iççiləri ilə yanaşı,Qobu qəsəbəsinin ictimayyəti,məktəb direktorları və məktəbin kolektivi iştirak edirdilər
Tədbiri giriş sözü ilə açan Abşeron rayon təhsil şöbəsinin müdiri Nadir Ağayev ilk önçə səbəbkarı belə bir ada, “Əməkdar Müəllim” adına layiq görülməsinə görə təbrik etdi.O qeyd etdi ki, ümummilli liderimiz Heydər Əliyev hakimiyyətdə olduğu bütün dövrlərdə təhsilə, təhsil işçilərinə yüksək diqqətlə yanaşıb, Azərbaycan təhsilinin inkişafı və dünya təhsil sisteminə inteqrasiyasını təmin etmək məqsədilə bir çox mühüm layihələr həyata keçirib. Bu uzaqgörən siyasət ölkə başçısı cənab İlham Əliyev tərəfindən bu gün uğurla davam etdirilir.
“Böyük qürur hissi ilə qeyd etmək istəyirəm ki, özünün intibah dövrünü yaşayan Abşeron rayonunda da təhsilin inkişafı prioritet sahə kimi önə çəkilir, bu istiqamətdə ardıcıl və məqsədyönlü tədbirlər həyata keçirilir”, – deyən Nadir Ağayev əlavə edib ki, Abşeronda son 8-9 ildə aparılan tikinti-quruculuq işlərinin önündə təhsil işçilərinin fəaliyyəti üçün yüksək təhsil şəraitinin yaradılmasına xidmət edən təhsil qurucu-luğu dayanır. Abşeronun bütün kənd və qəsəbələrində yeni-yeni məktəb və bağçaların müassir tələblərə uyğun tikilməsi və ya əsaslı şəkildə yenidən qurulması rayon rəhbəri cənab Zakir Fərəcovun təhsilə göstərdiyi yüksək diqqət və qayğının bariz nümunəsidir.
Bugün fəxirlə demək istəyirəm ki,Abşeron rayonunda təhsil işçilərindən 22 nəfəri “Əməkdar Müəllim” və 18 nəfər isə “Tərəqqi Medalı”na layiq görülüb ki,buda cənab Prezidentimizin Abşeronun qabaqcıl təhsil işçilərinə verdiyi dəyərin bariz nümünəsidir.
Daha sonra çıxış edən məktəbin direktoru Əməkdar Müəllim Cəbrayıl Cəfərquliyev qeyd etdi ki, bəli, təhsil, səhiyyə, həmçinin idman və mədəniyyət diqqət tələb edən çox vacib sahələrdir. Dövlətimiz də bu sahələrə xüsusi qayğı göstərir. Cox təəssüf ki, 1982-ci ildən 2005-ci ilədək rayonun ərazisində nəinki ümumtəhsil məktəbi tikilməmiş, hətta mövcud məktəblərin əsaslı təmiri belə təmin olunmamışdı. Möhtərəm Prezidentin böyük qayğısı və ümumiyyətlə, ölkədə təhsilin kökündən yaxşılaşdırılması problemlərinə diqqətini rayonumuzda təhsilin maddi-texniki bazasının möhkəmləndirilməsində, məktəb şəbəkəsinin genişləndirilməsində bir daha yaxından gördük. Rayonda “təhsil ili” elan etdiyimiz 2006-cı ilin 12 sentyabrında Abşerona tarixi səfəri çərçivəsində Xırdalan şəhərində 1296 yerlik orta məktəbin təməlini qoyan möhtərəm Prezident İlham Əliyevin xeyir-duası ilə 2006-2007-ci illərdə rayonda 12 yeni orta ümumtəhsil məktəbi tikilib istifadəyə verildi. 1660 şagird yerlik 83 əlavə sinif otağından ibarət tədris korpusları inşa olundu. 2008-2009-cu dərs ili ərəfəsində daha iki orta məktəbin tikintisi başa çatdırıldı.Ümumiyyətlə, 2005-ci ildən sonra rayonda 22 orta məktəb binası tikili istifadəyə verilib. Burda Heydər Əliyev Fondunun prezidenti Mehriban xanım Əliyevanın da rolunun böyük olduğunu xüsusi qeyd eməliyəm.
Ümumiyətlə, rayonda 34 orta, 2 əsas ümumtəhsil məktəbi, 24 məktəbəqədər uşaq müəssisəsi var. Son illər bütün məktəblərin istilik sistemləri tam bərpa edilmiş, inventarları təzələnmiş, müasir kompüter sinifləri yaradılmışdır.
“Əməkdar müəllim” adını almağım xəbərini mənə Həc ziyarətində olarkən Abşeron rayon Təhsil şöbəsinin müdiri Nadir Ağayev verdi. Ayın 14-də səhər tezdən zəng etmişdi. Həc ziyarətim münasibəti ilə təbrik etmək üçün. Əlavə etdi ki, adınız münasibəti ilə də təbrik edirəm. Duruxdum. Elə bildim ki, Hacı adına işarə edir. Dedim ki, nə ad? Dedi: “səhər qəzet almışam, təltif olunanlar arasında sənin də adın var. Çox sevindim və sizə zəng etdim”.
Təltif olunmağımdan beləcə xəbər tutdum və təbii ki, çox sevindim. Bir azdan isə təbriklər başlandı.
Əməyimə, çoxillik fəaliyyətimə verilən böyük dəyərə görə möhtərəm Prezidentimiz İlham Əliyevə, hər zaman dəstəyini, köməyini hiss etdiyimiz rayon rəhbəri cənab Zakir Fərəcova minnətdarlığımı bildirir, fəxri ad alan bütün təhsil işçilərini təbrik edir, onu layiq olanların hamısına arzulayıram. Bu adın çox böyük məsuliyyəti var, olduğundan da yaxşı işləmək məsuliyyəti.
“Zəhmətimin mükafatsız qalmayacagına əmin idim”
Tədbirdə digər çıxış edənlər qeyd etdilər ki, yeni tədris ilində Abşeron rayonunda 2 yeni məktəb binası və 2 məktəb üçün yeni tədris korpusu istifadəyə verilib. Yığıncaqda çıxış edən rayonun ziyalıları tikinti, kənd təsərrüfatı, yol infrastrukturunun bərpası və inkişaf etdirilməsi, küçə və yolların abadlaşdırılması, yaşayış məntəqələrinin, xüsusilə Qobu qəsəbəsinin müasirləşməsi istiqamətində görülən işlər haqqında geniş məlumat veriblər.
Hörmətli Hacı,sizə ziyarətinizi Ulu Yaradan qəbul etsin,-deyərək “Əməkdar Müəllim” fəxri adınız münasibətilə ürəkdən təbrik edir,peşə xidmətinizdə və ictimai fəaliyyətinizdə uğurlar arzulayırıq Baş redaktor: Şamo Əliyev
