Dekabrın 23-də keçiriləcək bələdiyyə seçkiləri ilə əlaqədar Yeni Azərbaycan Partiyasının rayon və şəhər təşkilatlarında ciddi hazırlıq prosesləri davam edir. Demokratik bir təsisat kimi vətəndaş cəmiyyətimizin bir forması olan bələdiyyələr həyatımızda mühüm rol oynayır. 1999-cu ildən fəaliyyət göstərən bələdiyyələr ölkəmizin inkişafı prosesində, vətəndaşların sosial rifah halının yaxşılaşdırılması istiqamətində görülən işlərdə, sosial layihələrin həyata keçirilməsində fəal iştirak edir.
Qarşıdan gələn növbəti bələdiyyə seçkilərinə YAP Abşeron rayon təşkilatında da ciddi hazırlıq işləri aparılır.
Rayonun təşkilat sədri Bilman Vəliyev Abşeron Xəbərə müsahibə verərək bildirdi ki, bələdiyyə seçkiləri ilə bağlı keçirilən ümumrespublika müşavirəsində partiyanın İcra Katibliyi tərəfindən verilən tövsiyə və tapşırıqlar tam məsuliyyətlə yerinə yetirilməkdədir. Yerlərdə partiyanın rayon təşkilatları tərəfindən seçkilərlə bağlı ardıcıl işlər aparılır, seçki qərargahları yaradılır. Seçki proseslərinə gənclər də cəlb olunur ki, bu da onların gələcək seçkilərdə aktiv fəaliyyətlərinə şərait yaradacaq.
Yeni Azərbaycan Partiyası Abşeron rayon təşkilatı tərəfindən 23 dekabr 2014-cü il tarixində keçiriləcək Bələdiyyə seçkilərinə irəli sürülən nazmizədlərin imzatoplama kompaniyası başladı.
Qeyd edək ki, Abşeron rayonunda 15 Bələdiyyə 57 məntəqədə keçiriləcək seçkilərə YAP Abşeron rayon təşkilatı tərəfindən 167 namizəd irəli sürülmüşdür. Abşeron rayonu ərazisində 45 saylı Abşeron və 50 saylı Qobustan-Abşeron iki seçki dairəsi fəaliyyət göstərir. 45 saylı seçki dairəsində 47240 , 50 saylı dairədə isə 24437 nəfər səs vermə hüququna malikdir.
Baş redaktor: Şamo Əliyev
