Noyabrın 14-də S.Vurğun adına Azərbaycan Dövlət Rus Dram Teatrında Azərbaycanın Rus İcmasının IV qurultayı keçiriləcək.
Qurultay ərəfəsində bütün şəhər və rayon təşkilatlarında hesabat-seçki yığıncaqları keçirilib, Azərbaycan Rus İcmasına daxil olan 40 təşkilatdan 310 nümayəndə seçilib.
Azərbaycanın Rus İcmasının IV qurultayına Azərbaycan Respublikası Prezidenti Administrasiyasının nümayəndələri, Milli Məclisinin deputatları, bir sıra nazirliklərin rəhbərləri, icra hakimiyyətinin başçıları, Rusiya Federasiyasının Azərbaycandakı səfirliyinin, “Rossotrudniçestvo” Agentliyinin Bakıdakı nümayəndəliyinin, respublikanın bir sıra ictimai təşkilatlarının və KİV-lərin rəhbərləri dəvət olunub.
Qurultayda Rus icmasının ötən dövrdə fəaliyyəti haqda hesabat dinləniləcək, Respublika Şurasının və icma rəhbərliyin yeni heyətinin seçkiləri keçiriləcək.
Bu münasibətlə Abşeron rayonundan Azərbaycanın Rus İcmasının IV qurultayında iştirak etmək üçün 8 nəfərdən ibarət nümayəndə heyəti seçilib. Qurulyata getməmişdən önçə nümayəndə heyəti Ulu Öndərin xatirəsini ehtiramla anıb, onun abidəsi önünə gül dəstələri qoydular. Daha sonra nümayəndə heyəti abidə önündə xatirə şəkli çəkdirdilər.
Baş redaktor: Şamo Əliyev
