Yeni Azərbaycan Partiyası (YAP) Abşeron rayon təşkilatı da 23 dekabr 2014-cü ildə keçiriləcək bələdiyyə seçkilərində təbliğat kampaniyasına uğurla start verib. YAP Abşeron rayon təşkilatının fəalları dekabrın 1-dən partiya namizədlərinin plakatlarını təbliğat lövhələrində vurublar.
Bu prosesdə ruh yüksəkliyi ilə iştirak edən partiya fəalları YAP-ın bu seçkilərdə də qələbə qazanacağına əminliklərini ifadə ediblər.
YAP Abşeron rayon təşkilatının, həmçinin, rayon təşkilatının Seçki Qərargahının sədri Bilman Vəliyev vurğulayıb ki, 45 saylı Abşeron və 50 saylı Abşeron-Qobustan seçki dairələri üzrə partiya tərəfindən irəli sürülmüş 161 nəfər namizəd qeydə alınıb. Rayon üzrə ümumilikdə 15 bələdiyyəyə seçki keçiriləcək ki, onlardan 1-i şəhər, 8-i qəsəbə və 6-sı isə kənd bələdiyyələridir.
Qeyd edək ki, YAP Abşeron rayon təşkilatı bələdiyyə seçkiləri ilə əlaqədar tədbirlərini davam etdirir.
