Abşeron rayon İcra Hakimiyyətinin başçısı İradə Gülməmmədovanın ötən il rayonun Mehdiabad qəsəbəsində keçirilən səyyar görüşü zamanı sakinlər 20 yanvar küçəsində sutkanın qaranlıq saatlarında küçənin işıqlandırılması, bəzi küçələrin abadlaşdırılması və Əhməd Cavad küçəsinə kanalizasiya xəttinin çəkilməsi barədə müraciət etmişdilər
Sakinlərlə keçirilən görüş zamanı verilən tapşırıq öz müsbət nəticəsini verib. Belə ki, hazırda Abşeron rayon İcra Hakimiyyəti başçısı İradə Gülməmmədovanın tapşırığına əsasən rayonun daxili imkanları hesabına 20 yanvar küçəsində yeni işıqlandırma sistemi qurulub, qəsəbənin İ.Şahverdiyev, M.Dilbazi, C.Cabbarlı, F.Axundov, M.Müşfiq, Q.Qarayev, M.Abdullayev, M.Əzizbəyov, N.Hikmət, S.Hacıbəyov, Ə.Vəliyev, M.İbrahimov, M.Əsədov, M.Gəncəvi, R.Behbudov, Atatürk və Ç.Mustafayev küçələrində təmir işləri aparılıb.
Rayon rəhbəri İradə Gülməmmədovanın adiyyatı qurumlar qarşısında qaldırdığı məsələnin, “Azərsu” rəhbərliyi ilə apardığı danışıqların nəticəsi olaraq,artıq Mehdiabad qəsəbəsinin Əhməd Cavad küçəsində 900 metr uzunluğunda çürümüş, nizamsız çəkilmiş , bəzi yerlərdə yolun üzərinə çıxmış magistral su xətti 160 mm yeni plastik boru ilə əvəz olunur. Çəkiliş qısa müddətdə başa çatdırıldıqdan sonra Ölkə Prezidentinin müvafiq Sərəncamı ilə Azərbaycan Avtomobil Yolları Dövlət Agentliyinə ayrılmış vəsait hesabına Əhməd Cavad küçəsi əsaslı təmir olunaraq asfaıtlanacaqdır.
Məlumat üçün bildirək ki, Prezident İlham Əliyev yanvarın 9-da “Abşeron rayonunun ərazisində avtomobil yollarının əsaslı təmiri ilə bağlı əlavə tədbirlər haqqında” imzaladığı Sərəncama əsasən Mehdiabad qəsəbəsinin Qara Qarayev, Cəfər Cabarlı, Əhməd Cavad və Çingiz Mustafayev küçələri Azərbaycan Avtomobil Yolları Dövlət Agentliyi tərəfindən yenidən əsaslı şəkildə qurulacaq.Artıq işlərə başlanılıb.
