Bu günlərdə Abşeron rayon İcra Hakimiyyətinin başçısı İradə Gülməmmədova sakinlərin çoxsaylı müraicətini nəzərə alaraq Heydər Əliyev prospekti ilə Xırdalan dəmiryol stansiyasını birləşdirən yolun asfalt örtüyünün yararsız vəziyyətdə olmasıyla bağlı əraziyə baxış keçirib.Həmin ərazidə yaşayan sakinlərlə görüşən icra başçısı vətəndaşlarla səmimi söhbət apararaq, onların problemləri ilə yaxından tanış olub və müəyyən məsələlərin operativ həlli üçün aidiyyatı məsul şəxslərə müvafiq tapşırıqlar verib.
Bildirilib ki, yolun hərəkət hissəsinin sıradan çıxması, piyadaların normal və təhlükəsiz şəkildə hərəkətinin təşkili üçün səkilərin olmaması vətəndaşların gediş-gəlişində xeyli çətinliklər yaradırdı. Sadalanan problemlər rayonun daxili imkanları hesabına yenidən qurulan küçədə artıq tam olaraq aradan qaldırılacaq. Layihəyə uyğun olaraq küçəboyu işıqlandırma sistemidə yenidən qurulacaq.
