Mədəniyyət və Turizm
Nazirliyinin "2010-2014-cü illər üçün xalq yaradıcılığı paytaxtları” proqramı çərçivəsində
Abşeron rayonu 2014-cü ilin "Sənətkarlıq paytaxtı” seçilib. Bu münasibətlə
Abşeron rayonunun inzibati mərkəzi - Xırdalan şəhərində yerləşən Heydər Əliyev
mərkəzində dəyirmi masa keçirilib.
Xırdalan şəhər H.Əliyev mərkəzində Azərbaycanın
sənətkarlıq paytaxtı Abşeron adlı dəyirmi masa keçirildi. Tədbir iştirakçıları əvvəlcə
mərkəzlə yaxından tanış oldular. Sonra foyedə xalq tətbiqi sənəti ustalarının əl
işləri və rayon rəssamlarının əsərlərindən ibarət sərgiyə baxdılar.
Tədbirdə çıxış edən rayon icra hakimiyyəti
başçısının müavinin İradə Gülməmmədova bildirdi ki, Azərbaycan xalqının qədim və
rəngarəng qeyri-maddi mədəni irsi minilliklər boyu millətin mentalitetini və
şüurunu formalaşdıran əsas mənbələrdən biri olmaqla xalq yaradıcılığının
nailiyyətlərini özündə ehtiva edən nadir bəşəri fenomendir. O, xalqımızın
maddi-mədəni irsinin Azərbaycan dövlətinin daim diqqətində olduğunu vurğuladı.
Diqqətə çatdırdı ki , Azərbaycanın birinci xanımı, Heydər Əliyev Fondunun
prezidenti, UNESCO-nun və İSESCO -nun xoşməramlı səfiri, Milli Məclisin
deputatı Mehriban Əliyevanın müvafiq istiqamətdə məqsədyönlü fəaliyyətinin nəticəsi
olaraq Azərbaycan muğamı, Novruz bayramı, xalça, aşıq, tar ifaçılığı sənətləri,
UNESCO-nun Qeyri-Maddi Mədəni İrs Siyahısına daxil edilib.
Diqqətə çatdırılmışdır ki, "2010-2014-cü illər
üçün xalq yaradıcılığı paytaxtları” proqramının əsas məqsədi regionlarda məqsədyönlü
tədbirlərin təşkil etməklə Azərbaycanın qeyri-maddi mədəni irsinin qorunmasına,
xalq yaradıcılığının təşviqinə, tarazlı regional və davamlı sosial iqtisadi
inkişafa, ümumilikdə mədəni həyatın daha da rəngarəng olmasına töhfə verməkdir.
Cari ildə rayonda təntənəli mərasimlər, elmi-praktik konfranslar, "dəyirmi
masa”, müsabiqə, festival, sərgi, infotur və konsertlər təşkil ediləcəkdir.
Sonda Xırdalan şəhər uşaq musiqi məktəbinin
şagirdləri dahi bəstəkar Üzeyir Hacıbəylinin "Arşın mal alan” operettasından
parçalar ifa etmişlər
