Dünya Azərbaycanlılarının Həmrəylik Günü və Yeni il bayramı ərəfəsində Abşeronda Rayon Icra Hakimiyyətinin təşkilatçılığı ilə böyük konsert proqramı keçrilib.
Tarix:30-12-2014, 14:14
Xırdalan şəhərindəki Heydər Əliyev Mərkəzində təşkil olunan bayram tədbirində Abşeron Rayon İcra Hakimiyyəti başçısı Zakir Fərəcov 31 Dekabr Dünya Azərbaycanlılarının Həmrəylik günü və Yeni il münasibəti ilə mərasim iştirakçılarını təbrik edərəkölkəmizin böyük surətlə inkişaf etdiyini, regionlarda geniş vüsət alan sosial-iqtisadi inkişafın, aparılan quruculuq və abadlıq işlərinin Abşeron rayonunda da yüksələn templə davam etdiyini bildirib.İcra başçısı Həmrəylik Gününün yaranma tarixindən və onun əhəmiyyətindən, bununla bağlı Ulu öndər Heydər Əliyevin müstəsna xidmətlərindən danışıb. Dünya azərbaycanlılarını uca amalları uğrunda mübarizədə vahid yumruq kimi görmək istəyən ümummilli liderimiz soydaşlarımıza dünyanın hansı ölkəsində yaşamasından asılı olmayaraq hər zaman tarixi vətənlərinə sədaqətlə xidmət etməyi tövsiyə edib.
Tədbirdə prezident İlham Əliyevin rəhbərliyi altında Azərbaycanın gündən günə daha da gücləndiyi,inkişaf və dünyaya sıx inteqrasiya etdiyi bildirilib.Görülən bu tarixi işlər Azərbaycanımıza və azərbaycançılıq məfkurəsinə xidmət edir.Bayram tədbirində respublikanın tanınmış incəsənət ustalarının ifasında biri birindən maraqlı mahnılar səsləndirilib. Konsert proqramı tamaşaçılar tərəfindən alqşlarla qarşılanıb.Mərasim iştirakçılarına bayram süfrəsi də açılıb.
Sonda Xırdalan şəhərinin mərkəzindəki Ümummilli lider Heydər Əliyevin adını daşıyan parkda böyük atəşfəşanlıq nümayiş olunub və Abşeronlular tərəfindən böyük həvəslə izlənilib.
Qeyd edək ki, 31 Dekabr və Dünya Azərbaycanlılarının Həmrəylik günü münasibəti ilə Abşeron rayonunda bayrama xüsusi hazırlıq görülüb.Ulu öndər Heydər Əliyevin adını daşıyan parkda yeni ilin atributları ilə bəzədilən əzəmətli küknar ağacı quraşdırılıb.Yeni ilin simvolları Şaxta baba və Qar qız rayon əhalisində bayram əhval ruhiyyəsi yaradır.Park yüksək zövqlə bəzədilərək axşamlar sanki nağıllar aləmini xatırladır.
