16 dekabr 2014-cü ildə Azərbaycan respublikası təhsil naziri Mikayıl Cabbarovun ümumtəhsil məktəb şagirdlərinin mütaliə vərdişlərinin təkmilləşdirilməsi və onlarda mütaliə mədəniyyətinin formalaşdırılması ilə bağlı tədbirlər barədə imzaladığı №1279 əmirdə qeyd edilir ki, son zamanlar ümumtəhsil məktəblərində şagirdlərin mütaliəyə istiqamətləndirilməsi, onlarda mütaliə mədəniyyətinin formalaşdırılması üzrə zəruri tədbirlərin həyata keçirilməsi əvvəlki dövrlərlə müqayisədə zəifləyib. Bununla əlaqədar şagirdlərin mütaliəsi işinin təşkilindəki təcrübədə sınaqdan çıxmış ənənələri bərpa etmək, onların mütaliəyə həvəsini daha da gücləndirmək və mütaliə vərdişlərini inkişaf etdirmək təhsil sahəsində prioritet vəzifələrdən biridir.
Əmrdə qeyd edilib ki, Naxçıvan MR Təhsil Nazirliyi, Bakı Şəhəri üzrə Təhsil İdarəsi, Gəncə Şəhər Təhsil İdarəsi, rayon (şəhər) təhsil şöbələri, Təhsil Nazirliyi tabeliyindəki ümumi təhsil müəssisələrinin rəhbərləri şagirdlərin mütaliəyə həvəsləndirilməsi və onlarda mütaliə mədəniyyətinin formalaşdırılmasına yönəlmiş fəaliyyət planı hazırlayıb icrasını təmin etməlidirlər. Əmrə əsasən, hər il yenilənməklə şagirdlərə mütaliə edilməsi tövsiyə olunan Azərbaycan və xarici ölkə yazıçılarının əsərlərinin təxmini siyahısının hazırlanmalı, məktəb kitabxanalarının yeni nəşrlərlə zənginləşdirilməli, bunlarda dərs ili ərzində bədii əsərlərin oxusunun və müzakirəsinin təşkil edilməldidir.
Müvafiq qurumlar məşhur yazıçıların, o cümlədən ədəbiyyat sahəsində Nobel mükafatına layiq görülmüş yazıçıların, eləcə də tanınmış Azərbaycan ədiblərinin yaradıcılığı və əsərlərinin məzmunu haqqında şagirdlərə məlumatların çatdırılması yolu ilə onların bu əsərləri mütaliə etməyə istiqamətləndirilməlidir. Şagirdlərin müasir Azərbaycan yazıçıları ilə görüşləri keçirilməli, bu prosesdə şagirdlərin həmin yazıçılar və onların əsərləri haqqında məlumatlandırılmali, müvafiq təbliğat işləri həyata keçirilməlidir.
Müəssisələr məktəblərdə “Ən fəal oxucu”, “Bədii əsər haqqında ən yaxşı inşa”, “Bədii əsər barədə ən mükəmməl rəy” müsabiqələrinin, ədəbi-bədii qiraət gecələrinin, hekayə axşamlarının keçirilməsi və qaliblərin rəğbətləndirilməsini təmin etməlidirlər. Bununla yanaşı, məktəblərdə oxuduqları əsərlərin sayına görə siniflər üzrə şagirdlərin reytinqi müəyyən ediləcək və bu əsasda onların arasında sağlam rəqabət mühiti yaradılacaq.
Ümumtəhsil məktəb şagirdlərində kitabxanaya marağı artırmaq məqsədi ilə bir çox məktəblərdə tədbirlərin keçirilməsi nəzərdə tutulmuşdur.Belə tədbirlərdən biridə 10 fevral tarixində Abşeron rayon Xırdalan şəhər 2 saylı tam orta məktəbdə təşkil olunmuşdur.Şagirdlərdə mütaliə vərdişlərinin təkminləşdirilməsi məqsədi ilə tədbir ölməz sənətkar Bəxtiyar Vahabzadəyə həsr olunmuşdur
Məktəbin dil və ədəbiyyat müəlliməsi Əliyeva Pərvinin qurduğu senari əsasında 5-ci sinif şagirdləri ilk önçə B.Vahabzadənin əziz xatirəsini 1 dəqiqəlik sükütla yad etdilər.Sonra onun şeirlərini,şeirlərinə bəsdələnmiş mahnılarını səsləndirdilər.Daha sonra isə “ Gülüstan poeması ”nı səhnələşdirdilər
Digər şagirdlərində mütaliə sevgisini artırmaq məqsədi ilə onlarında tədbirdə qonaq qismində iştirak etmələrinə şərait yaradılmışdır.
Sonda tədbirdə iştirak edən məktəbin direktor müavinləri - Rasim Hüseyinov, Əsli Müstafayeva, Dilarə Əlisultanova , Elşən Quliyev,kitabxananın müdüri Rəhilə Babayeva,kitabxanaçı Arzu Kazımova və məktəbin dil və ədəbiyyat müəllimləri belə bir tədbiri təşkil etdiyi üçün məktəbin dil və ədəbiyyat müəlliməsi Pərvin Əliyeva öz minətarlığını bildirdilər.
Baş redaktor: Şamo Əliyev
