Vətənə məhəbbət, yurda sevgi kiçik yaşlarından aşılanır

Ölkəmizdə uşaqların sağlam və gümrah böyümələri, gələcəyin layiqli vətəndaşları kimi yetişmələri üçün bütün gərəkli tədbirlər görülür. İndi ötənlərdə olduğu kimi "Xoruz", "Keçi" şerlərini əzbərlətməklə və ya gizlənpac oynatmaqla uşaqları (kiçikyaşlı uşaqları nəzərdə tuturuq) gələcəyə hazırlamaq olmaz. Bu cür heç mümkün də deyil. Qədim türklərdə olduğu kimi, oğlan uşağını 3 yaşından əsgər kimi böyütməyə çalışmasaq da hər halda təlim-tərbiyə metodları tamamilə yenilənib. Müasir dövrün tələblərinə uyğun olaraq istər evdə, istər körpələr evində, uşaq bağçasında tərbiyəyə münasibət, ümumi və fərdi yanaşma prinsipləri istəyimizdən və ya iradəmizdən asılı olmayaraq dəyişir, yeni məna, çalar kəsb edir. Ən azından bugünkü uşaqlar dili söz tutandan Vətən, Bayraq, Azərbaycan kəlmələrini öyrənməyə, ana yurdunun düşməninin kim olduğunu bilməyə cəhd edirlərsə, bu, çox yaxşıdır və olduqca əhəmiyyətli məsələdir. Gələcəyin layiqli vətəndaşlarının bu istiqamətdə yetişdirilməsi isə valideynlərdən, tərbiyəçi və müəllimlərdən, eyni zamanda dövlətdən, onun diqqət və qayğısından çox asılıdır. Birmənalı şəkildə qeyd edək ki, dövlətimiz bu yöndə üzərinə düşən vəzifəni yüksək səviyyədə yerinə yetirir. İstər dövlət, istərsə də Heydər Əliyev Fondunun xətti ilə uşaqlarla bağlı ölkəmizdə, o cümlədən bütün bölgələrimizdə yetərincə layihələr gerçəkləşdirilir. Bu qayğıdan Abşeronlu uşaqlar da lazımınca bəhrələnirlər.Rayonun bütün kənd və qəsəbələrində olduğu kimi Xırdalan şəhərindədə Uşaq bağçası – körpələr evlərinə də diqqət artırılmışdır. Belə ki, şəhərin 25- ci məhəlləsində 120 yerlik 24 saylı, Abşeron Gənclər Şəhərciyində də 120 yerlik 25 saylı uşaq bağcaları tikilib istifadəyə verilmiş, 28- ci məhəllədə 80 yerlik uşaq bağçasının tikintisi davam etməkdədir. Mövcud 9 üşaq bağçası – körpələr evində 1.200 nəfər uşağın təlim-tərbiyyəsi ilə 187 nəfər tərbiyəçi-müəllim məşğul olur.Xüsusi ilə qeyd etmək istəyirəmki Abşeron rayonunda olan 30-a qədər körpələr evi-uşaq bağçasının hərbirində körpələrimizin vətənpərvərlik ruhunda böyüdülməsi və vətənə ,millətə sevginin aşılanması yüksək səviyyədə aparılır,təlimlər və məşğələlər keçilir bu səpgidə

Abşeron rayon Xırdalan şəhəri 15 saylı körpələr evi-uşaq bağçasında savad təlimi adlı növbəti məşğələ keçilib.Məşğələnin əsas məqsədi 5 məktəbəqədər hazırlıq qurupunun (100 nəfər) vətənə,millətə,dövlətə və dövlətçiliyə sevginin uşaq yaşdan aşılanması və “V” hərifi ilə tanışlıq olub.
15 saylı körpələr evi-uşaq bağçasının müdirəsi Mətanət Novruzova tədbirin əsas məqsədinin Müstəqil Azərbaycan Respublikasına layiqli övladlar yetişdirmək, uşaqları vətənpərvərlik ruhunda tərbiyə etmək, məktəb təliminə hazırlamaq, hərtərəfli inkişafını təmin etmək və onların həyatını qorumaq, fiziki sağlamlıqlarını möhkəmləndirmək olduğunu bildirib