Ölkəmizdə inkişaf etmiş döyüş növlərindən olan Karete do idman növündə kifayət qədər peşəkar, təcrübəli və titullu idmançılarımız var. Hazırda kareteçilərimiz bir sıra nüfuzlu yarışlarda öz sözlərini deyir, ən güclü ölkələrin idmançıları üçün ciddi rəqib hesab olunur bir sözlə, aparıcı mövqelərdə dayanırlar. Bu idmançıların yetişdirilməsində isə ən böyük məsuliyyət, sözsüz ki, fəalliyət göstərən klubların üzərinə düşür. Çünki perspektivli və idmana marağı olan gənclər məhz belə klublarda yetişir, gərgin əmək sayəsində beynəlxalq arenalarda uğurla çıxış ediblər.
Hazırda paytaxtda və ölkəmizin regionlarında kifayət qədər klublar, mərkəzlər fəaliyyət göstərir və çempionların yetişdirilməsində bu idman ocaqlarının rolu danılmazdır. Ölkəmizdə karetenin inkişafına öz töhfəsini verən tanınmış idman ocaqlarından biri də "Budokan " idman klubudur .
Rayon ərazisində 27 idma¬n klubu fəaliyyət göstərir ki, bu klubların sırasına Azərbaycan Taekvondo Federasiyasının birinci vitse-prezidenti, Dünya Taekvondo Federasiyasının Gənclər Komitəsinin üzvü Fizuli Musayevin rəhbərliyi altında Xırdalan şəhərində “Budokan” İdman klubuda qoşulub
Klubnun açılışında çıxış edən Gənclər və İdman İdarəsinin rəisi Əsgər Əmirəliyev Klubun Azərbaycanda gənclər və yeniyetmələr arasında Karete idman növünün yeni bir mərhələyə keçməsinə öz töhfəsini verəcəyini diqqətə çatdırıb. O ,qeyd edib ki, Fizuli Musayevin Abşeronda bu layihəyə dəstək verməsi təqdirəlayiqdir. Ə.Əmirəliyev ümidvar olduğunu bildirib ki, bu layihə özünü doğruldacaq və Azərbaycan idmanına yeni uğurlar gətirəcək.
Klubun baş məşqçisi Coşqun Sadıqov bildirib ki, klubumuzda müxtəlif yaş qrupları üzrə 25 kareteçi bu idman növünün sirlərinə yiyələnir. Bölmə yarandığı dövrdən əsas məqsədimiz idmançıların ölkədaxili və beynəlxalq səviyyəli turnir və çempionatlarda birinci olmasını təmin etməkdir. Sevindirici haldır ki, yetirmələrim onlara bəslənilən ümidləri doğruldurlar. Klubun yetirmələri onların üzərinə düşən vəzifəni çox yaxşı başa düşür və nəticələrini yaxşılaşdırmaq üçün öz üzərlərində daim işləyirlər. İdmançılarımız beynəlxalq yarışlarda bayrağımızı qaldırmaq, himnimizi səsləndirmək üçün mübarizə aparırlar. Bunun nəticəsidir ki, onlar bir sıra yarışlarda uğurlu nəticələr əldə edib. Bu uğurlar sırasına Gürcüstan, İran, Türkiyədə keçirilən mötəbər turnirləri nümunə göstərmək olar.
Xatırladaq ki, klubun yetirməsi İsmayılov Seyidisa Gürcüstanın Tiflis şəhərində keçirilən KARATE-DO üzrə açıq Qafqaz çempionatında bütün rəqibləri ilə yanaşı,final döyüşündə də erməni idmançısına qalib gələrək qızıl medal qazanıb.
İslam Həmrəyliyi Oyunlarında ölkəmizi təmsil edəcək idmançılar arasında Klubun yetirməsi Kənan Həsənovun da olması çox sevindiriçi haldır. O, Azərbaycan bayrağını həmişə yüksəklərə qaldırıb..
Şamo Əliyev
