Şotlandiyanın Qlazqo şəhərində veteranlar arasında Avropa çempionatında böyük uğura imza atmış cüdoçularımız Vətənə dönüblər. Mötəbər turnirdə 5 qızıl, 9 bürünc qazanan, medalların əyyarına görə kişilərin komanda hesabında 4-cü olan millimizin üzvlərini Heydər Əliyev Beynəlxalq Hava Limanında Azərbaycan Cüdo Federasiyasının rəsmiləri, idman ictimaiyyətinin nümayəndələri, jurnalistlər və idmançıların ailə üzvləri qarşılayıblar.
Qeyd edək ki, usta cüdoçularımız arasında rəqiblərinə qalib gələrək Avropa çempionu adını qazananlar sırasında Novxanı idman mərkəzinin veteran cüdoçusu Vüqar Babayevdə var.
Vüqar Babayev həmçinin yaş kateqoriyası üzrə keçirilən komanda yarışlarında da bürünc medala layiq görülüb.
Doğma kəndində böyük çoçqu ilə qarşılanan Vüqar Babayev əvvəlcə Sovet İttifaqı qəhrəmanı Mehdi Hüseynzadənin Novxanı kəndindəki abidəsi önünə gül dəstəsi qoyub.
Sonra kənd sakinləri tərəfindən Avropa çempionunun şərəfinə qurban kəsilib.
Avropa mükafatçısı Vüqar Babayev və Novxanı kəndinin sakinləri Absheronxeber.az-ın əməkdaşları ilə öz təsuratlarını bölüşərək çıxışlarında, ölkədə idmana və idmançılara göstərilən diqqət görə ölkə başcısı cənab İlham Əliyevə və Abşeron rayonda idmançılara maddi və mənəvi dəstək olan rayon rəhbəri İradə Gülməmmədovaya öz dərin təşəkkürlərini bildiriblər.
Şamo Əliyev
