Bolqarıstanın paytaxtı Sofiya şəhərində Qol güləşi üzrə XXVIII Avropa çempionatı keçirilib. Bu çempionatda müxtəlif çəki və yaş dərəcələrində 13 idmançı ilə təmsil olunan Azərbaycan milli yığma komandası 2-si qızıl, 6-sı gümüş və 4-ü bürünc olmaqla 11 medal qazanıb.
Qələbə qazananlar arasında Abşeron rayonunun Saray qəsəbəsində fəaliyyət göstərən Atilla İdman Klubunun yetirməsi Elvin Salehlidə var.
Belə bir məqamı da vurğulamaq lazımdır ki,
yarışların gedişində idmançmız Elvin Salehli, erməni ,rus və gürcü idmançıları ilə üz-üzə gəlmiş və hər üç qarşılaşma Abşeron idmançısının qələbəsi ilə başa çatmışdır. 50 kq çəki dərəcəsində finala qədər inamlı mübarizə aparan Elvin Salehli finalda Türkiyə idmançısına uduzaraq Avropa çempionatının gümüş medalına sahib olub.
Elvinin müəllimi, qol güləşi üzrə kişilər arasında 7 qat respublika çempionu, 5 qat Azərbaycan kubokunun qalibi, Abşeron komandasının baş məşqçisi, Samir Babayev yarışla bağlı təəssüratlarını “Abşeron Xəbər” portalının əməkdaşı ilə bölüş.
Klubun Abşeron rayonunda fəaliyyət göstərdiyi 4 ildə 10-dan çox Respublika və Avropa çempionu yetişdirdiyini vurğulayan S.Babayev onlara göstərdikləri diqqət və qayğıya görə Abşeron rayon İcra Hakimiyyətinin başçısı İradə Gülməmmədovaya və Avropa Qol Güləşi Federasiyasının vitse-prezidenti, Azərbaycan Qol Güləşi Federasiyasının prezidenti Cəsarət Əhmədova dərin minətdarlığını bildirib.
Məlumat üçün bildirək ki, bundan önçə Elvin Salehli qol güləşi üzrə Ulu Öndər Heydər Əliyevin anadan olmasının 95-ci ildönümünə həsr edilmiş Ölkə çempionatında 50 kq çəki dərəçəsində sağ və sol qollarda yarışaraq 1-ci yer tutub.
Şamo Əliyev