Ölkədə idmanın inkisafının geniş vusət alması təbii ki, Abşerondan da yan kecməyib. Rayonumuzun ərazisində yerləsən qəsəbələrdə müasir standartlara cavab verən idman qurğuları inşa edilib. Gənclərin sağlam gələcəyi üçün hər cür şərait yaradılıb . Ağırlıqqaldırma, guləş, boks və bir cox digər seksiyalar fəaliyyət göstərir. Lakin rayonumuz həmişə ilk növbədə öz futbol ənənəsi ile tanınıb ve hələ SSRI dönəmindən ölkə futbolunun inkisafına daim öz tohvəsini verib. Etiraf etməliyik ki, son zamanlar vəziyyət bir o qədər də ürəkaçan deyildi. Belə ki, bölgəmizin komandaları ən yaxsı halda əhəmiyyətsiz , ikinci dərəcəli turnirlərdə öz q üvvəsini sınayırdı ve elə bir uğur qazana bilmirdi. Bu nailiyyətsizlik boşluğunu birinci dəstədə mübarizəyə qoşulan və birinci yeri tutaraq elitaya vəsiqə qazanan Abşeron klubu doldura bilərdi. Lakin, Mirbagır Isayevin min bir əziyyətlə formalasdırdığı komandapremyer-liqaya yüksəldikdən sonra gözlənilmədən dagıldı.
Belə bir vəziyyətdə heç olmasa bir komanda yaradaraq bu boşluğu qismən də olsa doldurmaq artıq zamanın tələbinə cevrilmisdi. Əlbəttə, komanda yaradaraq böyuk futbolda mübarizə aparmaq böyük maliyyə vəsaiti tələb etdiyindən biz futzal çempionatında iştirak etmək ücün fəaliyyətə basladiq. Qarabağ müharibəsinin veteranı Nüslət Xəlilov, iş adamı Əli Osmanlı , ölkənin tanınmıs futzal veteranı idman ustası Vahid Abdullayev , diğər veteran futbolçu - qapıçı Elşən Ələsgərov və mən yazar Idris Huseynoglu bir yerdə məsləhətləşərək öz gələcək fəaliyyətimizi müəyyənləşdirdik. Ilk növbədə istedadlı gəncləri bir yerə toplayaraq öz fikrimizi onlara bildirdik. Düzü, bizim bu ideyamıza munasibət gözlədiyimizdən fərqli effekt verdi. Komandanın məşqlərində iştirak etmək istəyənlərin sayı durmadan artırdı. Belə bir vəziyyət bizi təbii ki, həvəsləndirirdi və nə qədər düzgün addım atdığımıza əyani sübut idi. Lakin, digər tərəfdən baş məsqçi Vahid Abdullayevə əlavə problemlər yaradırdı. Təbii ki, məşqlərə qatılan istedadların hamısı oynamaq istəyir , bu da məşqçinin heyəti formalaşdırmaqla bağlı işini çətinləşdirir. Amma böyuk təcrübəyə malik Vahid muəllim (o futzal uzre 4 qat respublika çempionudur. ) öz işinin ustası olduğunu cox tez sübut etdi. O, qısa zaman kəsiyində təxminən eyni səviyyeli 3 qrup formalaşdırmaga nail oldu. Bu da komandaya mübarizənin gedişində heyətdə rotasiyalar apararkən oyun keyfiyyətinin saxlanmasına imkan verir. Biz öz fəaliyyətimizi təkcə futzal üzrə ölkə cempionatının 1-ci dəstəsinə komanda cıxarmaqla məhdudlaşdırmırıq. Belə ki, artıq 3 müxtəlif yaş qrupunda kicik istedadlardan ibarət komandalarımızı yaratmışıq. Veteran qapici Elşən Ələsgərovun teşebbüsü ilə yaratdıgımız ABŞERON KOMANDASINA XÜSUSILƏ BÖYÜK ÜMIDLƏR BƏSLƏYIRIK . Bu klubun rəsmi yarıslarda istirakı üçün artıq lazımı qurumlara müraciətimiz də olub və inanırıq ki, alacagımız cavab müsbət olacaq. Onu da qeyd etmək yerinə duşər ki, bizim klubun nəzdində sırf qapıçılardan ibarət xüsusi bir qrup Elsən Ələsgərovun rəhbərliyi altında məşqlər kecir ki, bu da məncə müsbət bir yenilik kimi qəbul edilməlidir.
Artıq bütün lazımı sənədləri AFFA-ya təqdim etmişik və birinci dəstədə iştirakımız dəqiqdir.
Nəzərinizə çatdırmaq istəyirəm ki, biz ilk gündən işimizi peşəkar səviyyədə qurmağa çalışmışıq. Baş məşqiçi Vahid Abdullayev , qapıçılarla işləyən məşqci Elşən Ələsgərovdan başqa komandadaxili saglam ab -havaya intizam məsələlərinə cavabdehlik daşıyan vəzifələr də nəzərdə tutulmuşdur və hal-hazırda fəaliyyət göstərir. Komandanın mətbuat xidməti və internet səhifəsi də fəaliyyətə başlayıb.
Abşeron Futbol Məktəbinin təsisçisi Əli Osmanlı
