Abşeron rayonunun kənd və qəsəbələrində əhalini sabit və dayanıqlı elektrik enerjisi ilə təmin etmək məqsədilə mühüm işlər həyata keçirilir.
Abşeronda əhalinin və təsərrüfat subyektlərinin elektrik enerjisinə olan tələbatının ödənilməsi, eləcə də digər infrastruktur sahələrinin normal fəaliyyət göstərməsi üçün enerji təchizatına xüsusi diqqət yetirilır. Enerji təminatı sahəsində görülən işlərin davamı olaraq yeni yarımstansiyaların tikintisi davam etdirilir, işıq xətləri və dirəkləri yenilənir. Bu yarımstansiyalar rayon sakinlərinin etibarlı, təhlükəsiz və dayanıqlı elektrik enerjisi ilə təminatının həyata keçirilməsində mühüm rol oynayacaq.
Beləki, son 6 ay ərzində əhalinin sabit elektrik enerjisi ilə təminatı ilə bağlı yaşayış məntəqələrində 44 yeni transformator quraşdırılmış, 8 transformator təmir edilmiş, 410 ədəd dayaq və 57165 metr naqil dəyişdirilmiş, yaşayış məntəqələrində 27421 metr uzunluqda “SİP” kabelləşməsi aparılmışdır. Hökməli, Qobu, Aşağı Güzdək, Saray, Masazır, Fatmayı, Görədil, Novxanı, Məmmədli yaşayış məntəqələrində elektrik təsərrüfatının yenidən qurulması istiqamətində işlər davam etdirilmiş, Güzdək qəsəbəsinin enerji təchizatının Qaradağ rayonundan ayrılması məqsədilə Paylayıcı Transformator Məntəqəsinin tikintisi başa çatdırılıb, Qobu yarımstansiyasından qəsəbəyə xətt çəkilişi işlərində son tamamlama işləri görülməkdədir. Hazırda Xırdalan, Masazır yaşayış məntəqələrində inşa olunmuş yeni yarımstansiyaların şəbəkəyə qoşulması istiqamətində işlər aparılır.
Şamo Əliyev