Prezident İlham Əliyevin yanvarın 9-da “Abşeron rayonunun ərazisində avtomobil yollarının əsaslı təmiri ilə bağlı əlavə tədbirlər haqqında” imzaladığı Sərəncama əsasən Saray qəsəbəsinin Sülh, M.Ə.Sabir, Heydər Əliyev, Mircəlal küçələri , 2 nömrəli və 3 nömrəli tam orta məktəbə gedən yollar Azərbaycan Avtomobil Yolları Dövlət Agentliyi tərəfindən əsaslı şəkildə yenidən qurulacaq.
Saray qəsəbə bələdiyyəsinin sədri Məhi Həsənov bildirib ki, hazırda qəsəbənin 3 nömrəli tam orta məktəbinə gedən yol və Mircəlal küçəsi Azərbaycan Avtomobil Yolları Dövlət Agentliyi tərəfindən əsaslı şəkildə yenidən qurulur.
Məlumat üçün bildirək ki, Əsaslı şəkildə yenidən qurulan 3 nömrəli tam orta məktəbə gedən yol və Mircəlal küçəsinin uzunluğu 790 m, eni isə ortalama 7 m təşkil edir. Layihə çərçivəsində vətəndaşların küçənin kənarı ilə rahat və təhlükəsiz hərəkətini təmin etmək üçün mövcud piyada səkiləri bərpa olunur, kənarlarında olan köhnə səki daşları sökülərək yeniləri ilə əvəzlənir.