Bu gun Abşeron rayonunun ərazisində olan "N" saylı hissənin zabit və əsgərləri Xırdalan şəhərində Heydər Əliyev parkında və möhtəşəm Heydər Əliyev mərkəzi ilə tanış oldular. Heydər Əliyevin abidəsi ziyarət olundu.
Sumqayit Regional Mədəniyyət və Turizm İdarəsinin Abşeron rayonu üzrə nümayəndəsi baş məsləhətçi İlham Manafov qonaqları Heydər parkı ilə tanış etdi. Herbiçilər "Byaraq meydanı", "Şahmat məktəbi", "Musiqi məktəbi", "Tarix- Diyarşünaslıq muzeyi" və parkın ərazisisi barədə geniş məlumat əldə etdilər.
Heydər Əlieyv mərkəzinin akt zalında 15 iyun Qurtuluş Günü haqqında dəyirmi masa keçirildi.
Sumqayit Regional Mədəniyyət və Turizm İdarəsinin Abşeron rayonu üzrə nümayəndəsi baş məsləhətçi İlham Manafov çıxış edərək Qurtuluş günü münasibətilə rayon rəhbəri İradə Gülməmmədovanın adından qonaqları təbrik etdi. İ. Manafov qeyd etdi ki, 1993-cü ilin iyununda ölkədə yaranmış mürəkkəb ictimai-siyasi durum Azərbaycanda real vətəndaş müharibəsi təhlükəsi yaradıb.
Gəncədə dislokasiya olunmuş 709 saylı hərbi hissə itaətsizlik göstərərək Müdafiə Nazirliyinə tabe olmadığını bəyan edib, hökumət hərbi qiyamı yatırmaq üçün Gəncəyə hərbi birləşmələr göndərib. Lakin yürüdülən yarıtmaz siyasət nəticəsində qiyamın miqyası genişlənib və idarə olunmayacaq səviyyəyə çatıb. Qiyam qaldıran hərbi birləşmələr Bakıya doğru istiqamət götürüb, qiyamın başında duranlar hakimiyyətin dəyişməsini tələb edib.
Vətəndaş müharibəsi üçün ziddi zəmin yarandığı bir vəziyyətdə təhlükəli proseslərin qarşısını ala bilmədiyini dərk edən AXC-Müsavat iqtidarı son anda kömək üçün Heydər Əliyevə müraciət edib. O zaman Naxçıvan Ali Məclisinin sədri olan görkəmli ictimai-siyasi xadim Heydər Əliyev xalqın və respublikanın hakim dairələrinin təkidli dəvətini qəbul edib, iyunun 9-da Bakıya gəlib. Ölkəni vətəndaş müharibəsi təhlükəsindən qurtarmaq missiyasını üzərinə götürən Heydər Əliyev həyatını təhlükə altında qoyaraq Gəncəyə gedib və apardığı danışıqlar nəticəsində vətəndaş qarşıdurmasının genişlənməsinin qarşısını alıb.
İlham Manafov çıxışının sonunda vurğuladı ki, 1993-cü il iyunun 15-də Heydər Əliyev Azərbaycan Respublikası Ali Sovetinin sədri seçilib, bununla da Azərbaycanın ən yeni tarixində növbəti və bu günə qədər davam edən uğurlu bir mərhələ başlayıb. 15 iyun Azərbaycanın tarixinə Qurtuluş günü kimi daxil olub.
Böyük maraqla Heydər Əliyev mərkəzi ilə tanış olan hərbiçilər Ümummilli Lİderin hər güşəsinə diqqətlə baxdılar.
Abşeron Heydər Əliyev Mərkəzinin direktoru Tükəzban Həsənova mərkəz barədə hərbiçilərə geniş məlumat verdi.Dahi rəhbərin həyat və yaradıcılığından danışan T. Həsənova vətənimizin keşiyində ayıq- sayıq duran hərbiçilərimizə uğurlar arzuladı.
Sonda "Milli Qurtuluş Günü" adlı sənədli filmə tamaşa edildi.
