Hərbi əməliyyatlar zamanı yaranın vaxtında sarınması böyük əhəmiyyət kəsb edir. Çünki yaranın infeksiyaya yoluxma ehtimalı çox yüksəkdir, həkimi gözləməyə isə vaxt olmur. Bu problemi həll etmək üçün ABŞ-ın Texas Aqrar Texniki Universitetinin alimləri yaranı sağaldan inyeksiya sarğısı üçün material yaradıblar. Bunun üçün dəniz yosunlarından alınan xüsusi maddədən istifadə olunub.
Gil hissəcikləri və xüsusi maddədən inyeksiya zamanı yaranı dolduran gel əmələ gəlir. Onun vasitəsilə bakteriyaların yaraya girişi bağlanır, yayılmış hissəciklər yaranın sağalmasına imkan yaradaraq zülalın absorbsiyası mərkəzləri rolunu oynayır.
