Xırdalan şəhər 15 saylı körpələr evi-uşaq bağçasında ”Kəsib yapışdırma” məşğəlsi keçirilib. Bağçanın müdiri Mətanət Novruza Absheronxeber-ə bildirib ki, ”Kəsib yapışdırma” məşğələsinin məqsədi uşaqların estetik zövqünün formalaşdırılmasında mühüm rol oynayır. Bu məşğələ prosesində uşaqlar daha diqqətli və məsuliyyətli olur. Onların dünyagörüşü, ətraf aləmlə tanışlığı genişlənir. Məşğələ əsasən 4-6 yaşlı uşaqlarla keçirilir.
Bu gün ki məşğələdə körpə fidanlara “Balıq” tədris edilib. Əvvəlcə uşaqlar tərbiyəçinin balıq haqqında verdiyi sualları cavablandıraraq biliklərini nümayiş etdiriblər. Sonra tədqiqatı aparmaq üçün qruplarla iş aparılıb. Körpə fidanlar 4 qrupa bölünüb, qrup daxilində lider seçiblər. Qruplara tapşırıqlar verilib.
Qruplar öz işlərini təqdim etdikdən sonra tərbiyəçi müəllim tərəfindən onların işi müzakirə olunub.
M. Novruzova vurğulayıb ki, bağçamızda uşaqlara maraqlı hərəkətli oyunlar öyrədilir, idman məşğələləri keçirilir, əl işləri vərdişləri öyrədilir. Uşaqlar rəngli saplar ilə toxuma, rəngli kağızlardan kəsib yapışdırma, şəkillərin rənglənməsi ilə məşğul olur, rəngli kağız zolaqlarından “səbət” və “xalça” toxuyurlar. Burada uşaqlara hekayələr, nağıllar oxunur, kitablar üzrə müsahibələr keçirilir.
Məktəbəqədər müəssisənin müdiri onuda qeyd edib ki, bağçamızda uşaqların fiziki və psixoloji, həmçinin intelektual inkişafını təmin edəcək tədris proqramlarını tətbiq etmək, sağlam və intelektual gələcək nəsil formalaşdırmağa çalışırıq.
Keçirilən tədbir və məşğələlərdə “Xoşbəxt uşaq hər zaman uğur əldə edəcək!” prinsipinə inanaraq, uşaqların özlərini tanımaq və ifadə etmək, həmçinin uşaqlar üçün əylənərək öyrənmək imkanı yaradırıq.
Tural Kazımlı
