Hər nə qədər şəkərdən uzaq durmaq lazım olduğu bilinsə də, onun da faydalı olduğu başqa sahələr də var. Məsələn, paltarlarımızdakı ləkələrdən şəkər tozu vasitəsilə qurtarmaq mümkün olduğunu bilirdinizmi?Şəkər tozunun müxtəlif sahələrdə faydalarını diqqətinizə çatdırır.
Yaraları sağaltma xüsusiyyəti var
Araşdırmalar, antibiotik və digər müalicə vasitələri fayda etmədikdə, şəkər tozunun yaranın üzərinə tökdükdə yaranı sağaltdığını göstərir.
Dodaqlarda skrab özəlliyi
Barmağınızı bir stəkan suya, ardınca şəkər tozuna batırın, dodaqlarınıza dairəvi hərəkətlərlə masaj edin. Bu vasitə quru və çatlaq dodaqlar üçün mükəmməl bir yeniləyicidir. Ölü və soyulan dərilər şəkər dənələri sayəsində soyularaq sizi təzə dodaqlara qovuşduracaq.
Çiçəklərin ömrünü uzadın
Güldanın içindəki suya əlavə edəcəyiniz 3 çay qaşığı şəkər tozu və 2 çay qaşığı sirkə çiçəyinizin ömrünü uzadacaq.
Pilinq özəlliyi
1 yemək qaşığı qara şəkər, 1 yemək qaşığı düyü unu və 1 yemək qaşığı süd ilə hazırladığınız qarışımı təmiz dəriyə vurun. 5 dəqiqə incə hərəkətlərlə üzünüzə masaj edin. Quruması üçün bir az saxlayın və sonra üzünüzü soyuq su ilə yuyun. Bu maska üzünüzü dərindən təmizləyəcək, hamarlaşdıracaq.
Həşərat sancmalarının təsirini azaldın
Arı sancmalarına şəkər faydalıdır. Arının sancdığı yerə bir küp qənd qoyun. Qənd yaranan şişliyi və zəhərin təsirini azaldır.
Bədən pilinq özəlliyi
Şəkər tozu ilə hazırladığınız bədən skrabı ilə hamar dəriyə sahib olun.
3 yemək qaşığı zeytun yağı və 4 yemək qaşığı şəkər tozunu qarışdıraraq losyon halına gətirin. Duş alarkən bu losyonla bədəninizi masaj edin.
Qidaların ömrünü uzadın
Şirniyyatları təzə saxlamaq və rəf ömrünü uzatmaq üçün saxladığınız qabın içinə bir neçə dənə qənd atın.
Paltarlarınızdakı ləkələrdən azad olun
Paltarlardakı ot ləkəsini apaarmaq üçün şəkər tozu istifadə edə bilərsiniz. Ləkənin üstünə şəkər tozu tökün və 40-60 dəqiqə gözləyin. Nəticəsinə inanmayacaqsınız.
