Əmlak Məsələləri Dövlət Komitəsinin vətəndaşlara operativ xidməti təklif edən “Əmlakını qeydiyyata al və mülkiyyətinə sahib ol” adlı kampaniyasının növbəti ünvanı Abşeron rayonunun Masazır kəndidir.
Sakinlər daşınmaz əmlakın bütün növ qeydiyyat xidmətləri ilə bağlı avqustun 6-dan 10-dək saat 09:00-dan 17:00-a qədər Abşeron rayonu, Masazır kəndi, Əliağa Vahid küçəsində (Əliağa Vahid parkının qarşısı) fəaliyyət göstərən mobil ofislərə müraciət edə bilərlər.
Qeyd edək ki, daşınmaz əmlakın qeydiyyatı sahəsində həyata keçirilən bu sosial kampaniya hazırda Abşeron rayonu, Məmmədli kəndi, Əli Bayramov küçəsi 30 ünvanında vətəndaşlara xidmət göstərir. İndiyədək kampaniya Ceyranbatan və Saray qəsəbələrində reallaşıb. Sosial layihə çərçivəsində 450-yə yaxın müraciət daxil olub, 150-dən artıq sənəd qəbul edilib.
