Motorola RAZR qatlana bilən smartfon haqqında məlumatlar yayımlandı.
Motorola RAZR səkkiz çəyirdəkli və 2.2 GHz gücündə prosessor və Snapdragon 710 çip ilə təchiz edilib. Vizual platformada Adreno 616 qrafikası gözə dəyir.
Smartfonun iki fərqli şəkildə təqdim edilməsi gözlənilir: 4 GB RAM + 64 GB və 6 GB RAM + 128 GB. 2,730mAh batareraya sahib smartfon 27W TurboPower texnologiyası ilə şarj olunacaq. Lakin, cihazın kameraları haqqında heç bir məlumat yoxdur.
Smartfonun dizaynı istiridyə formasında olacaq və qatlana bilən hissə kənara doğru açılacaq. Telefonun əsas ekranı 6.2 düymlü OLED və 876 x 2142 piksel dəstəkli olacaq. Telefonu heç açmadan bildirişləri görə bilmək üçün xarici hissədə 600x800 piksel ekran da var. Xarici ekranın tam ölçüsü haqqında heç bir məlumat yoxdur. Qatlana bilən smartfonun qara, ağ və qızılı rənglərdə satışa buraxılması gözlənir.
The Wall Street Journal-ın hesabatına görə, qatlanan smartfon bazarda 1500 dollar qiymətində satışa təqdim olunacaq.
