Bəziləri hesab edir ki, qara pomidorun yetişdirilməsi üçün adi pomidorun genləri dəyişidirilib.
Lakin bu belə deyil, bu pomidor növü hələ sovet vaxtından tanınır və seleksiya işlərinin nəticəsidir. Yabanı qara pomidorlar Cənubi Afrikada yetişir.
Qara pomidorların çoxlu sayda növləri var, onların rəngi tünd bənövşəyidən, qəhvəyi və qaraya qədər ola bilər. Azərbaycanda da bu növlər yetişdirilir.
Belə hesab olunur ki, adi qırmızı pomidorla müqayisədə qara pomidor qat-qat daha faydalıdır. Onun tərkibində antioksidant maddələri və vitaminlər daha çoxdur. Bu səbəbdən qara pomidorun bir çox üstünlükləri var:
1. Qara pomidorun dadı adi qırmızı pomidorla müqayisədə daha xoş və şirindir.
2. Antosian maddələri ilə zəngin olan qara pomidorlar damarların divarlarını möhkəmləndirir, ürək-damar xəstəliklərinin riskini azaldır. Məhz antosianlar qara pomidora tünd rəng verir.
3. Həmçinin antosian maddələri xərçəng əleyhinə təsirə malikdir, immun sistemini möhkəmləndirir, qocalma proseslərini ləngidir.
4. Qara pomidorun afrodiziak xüsusiyyətləri də var. Bu o deməkdir ki, bu növ cinsi meyli artırır.
5. Adi pomidorlar kimi qara pomidor da ürək və damarların qoruyucusu olan likopin, C və A vitaminləri ilə zəngindir. C vitamini bu pomidor növündə daha çoxdur.
