Masazır qəsəbəsində rayonun uzunömürlü ağsaqallarından biri-Saday İlyasovun 80 illik yubileyi təntənə ilə qeyd edilib.
Mərasimdə Abşeron rayon İcra Hakimiyyəti başçısının müavini Fuad Cəbrayılov, dövlət rəsmiləri, yubilyarın övladları, nəvə-nəticələri, həmyaşıdları iştirak ediblər.
Yubilyarı təbrik edən Abşeron rayon İcra Hakimiyyəti başçısının müavini Fuad Cəbrayılov 8 övlad, 22 nəvə və 7 nəticə sahibi olan Saday İlyasova həyatda ən şirin nemət olan cansağlığı və adları dünyanın ən uzunömürlü insanları sırasında olan 168 il ömür sürmüş Şirəli Müslümovun, 150 yaşlı Mahmud Eyvazovun, 145 yaşlı Məcid Ağayevin, 120 yaşlı Qızıl Quliyevanın rekordunu təzələməyi arzu edib
Rayon rəhbərinin hədiyyəsi olaraq yubilyara rayon icra hakimiyyətinin fəxri fərmanı və qiymətli hədiyyə təqdim edilib.
Yubiley tədbirində məlumat verilib ki, rayonun möhtərəm insanlarından biri olan S.İlyasov 1937-ci il dekabrın 21-də Laçın rayonunun Cıraqlı kəndində anadan olmuşdur. Məlum Qarabağ hadisələrindən sonra Saday İlyasov 1993-cü ildə səkkiz övladı ilə Abşerona pənah gətirmişdir.
Daha sonra çıxış edənlər Saday İlyasovu təbrik edib, ona Ali Baş Komandan İlham Əliyevin Qarabağ müharibəsində qazanacağı Qələbəni görməyi arzulayıb.
Mərasimin sonunda çıxış edən Saday İlyasov bütün iştirakçılara uzunömürlülük arzulayaraq, Abşeron rayonunda yaşlı nəslin nümayəndələrinə göstərilən diqqət və qayğıya görə Abşeron rayon İcra Hakimiyyətinin başçısı İradə Gülməmmədovaya minnətdarlığını bildirib.
Şamo Əliyev
