Bakı Mühəndislik Universitetinin (BMU) tələbələri Biləsuvar rayonunda Azərbaycanın Milli Qəhrəmanı, şəhid Mübariz İbrahimovun ailəsinə baş çəkib, onun adını daşıyan liseyi ziyarət ediblər.
“Qarabağ Tarix Klubu”nun təşkil etdiyi səfər zamanı tələbələr Milli Qəhrəmanın böyüyüb boya-başa çatdığı evdə M.İbrahimovun otağı ilə tanış olublar.
Milli Qəhrəmanın atası Ağakərim İbrahimov tələbələrə mərd oğlunun Vətən sevgisi və keçdiyi döyüş yolu barədə məlumat verib.
Daha sonra Biləsuvar rayonu Mübariz İbrahimov adına liseyi ziyarət edən tələbələr müəllim və şagirdlərlə görüşüb, dərslərdə iştirak edib, liseyin maddi-texniki bazası ilə maraqlanıblar.
