20 Yanvar hadisəsi xalqımızın yaddaşına qanlı faciə kimi daxil olsa da, bütövlükdə milli tariximizin ən şanlı və qəhrəmanlıq səhifələrindən birini təşkil edir. Bu hadisə milli azadlıq və ərazi bütövlüyü uğrunda mübarizəyə qalxmış dinc əhalinin kütləvi qəhrəmanlığıdır.Bu günlərdə ölkəmizin hər yerində olduğu kimi 20 yanvar faciəsinin 27-ci ildönümü Abşeronda da müxtəlif tədbirlərlə qeyd olunur. Belə tədbirlərdən biri də Xırdalan şəhər 15 saylı körpələr evi-uşaq bağçasında keçirilib.
İlk olaraq şəhidlərimizin xatirəsi bir dəqiqəlik sükutla yad edilib.Təbirdə bağçanın müdiri Mətanət Novruzova çıxış edərək qeyd edib ki, Azərbaycanın azadlığı və ərazi bütövlüyü uğrunda mübarizə tarixinə qəhrəmanlıq səhifəsi kimi daxil olmuş 20 Yanvar faciəsi xalqımızın qan yaddaşından heç vaxt silinməyəcək. Bu faciə təkcə əvəzsiz itkiləri, nisgilləri, yaraları ilə deyil, həm də ibrət dərsləri ilə unudulmazdır və illər keçsə də, 20 Yanvar faciəsi qurbanlarının milli azadlıq mübarizəmizin tarixindəki qəhrəmanlıqları heç vaxt unudulmayacaq, müstəqil dövlətimizin möhkəmləndirilməsi naminə milli həmrəyliyi daha da inkişaf edəcək.
Bildirilib ki, ümummilli lider Heydər Əliyev xalqın təkidli tələbi ilə siyasi hakimiyyətə qayıtdıqdan sonra 20 Yanvar hadisələrinə hüquqi-siyasi qiymət verilmişdir. Azərbaycanın azadlıq və müstəqillik mübarizəsi tarixində mühüm mərhələ olmuş 20 Yanvar faciəsi qurbanlarının xatirəsi hər zaman ehtiramla yad olunacaqdır.
Tədbirdə körpələr evi uşaq bağçasının fidanları “20 Yanvar”-a həsr edilən şerlər söyləyib, vətənpərvərlik ruhunda manhılar ifa ediblər. Uşaqlar hazırladıqları səhnəcikdə qanlı gecənin dəhşətlərini nümayiş etdirməyə çalışıblar.
Şamo Əliyev
