Səkkizinci Dünya Su Forumunun Azərbaycandan olan iştirakçıları ölkəmizin Braziliyadakı səfirliyində olublar.Səkkizinci Dünya Su Forumunun Azərbaycandan olan iştirakçıları ölkəmizin Braziliyadakı səfirliyində görüş keçiriblər.
Səfir Elxan Poluxovla görüşdə Beynəlxalq Avrasiya Mətbuat Fondunun (BAMF) prezidenti Umud Mirzəyev, Fondun nümayəndəsi Anastasia Lavrina, Qlobal Su, Ətraf Mühit və Sağlamlıq İnstitutunun direktoru Nidal Salim, “Meliorasiya və Su Təsərrüfatı” ASC-nin aparat rəhbərinin müavini Kənan Abdullayev, “Sukanal” Elmi-Tədqiqat və Layihə İnstitutunun direktor müavini Fərda İmanov və başqaları iştirak ediblər. Bu barədə BAMF-dan məlumat verilib.
Qonaqlar Forumda müzakirə olunan məsələlər barədə danışıb, xüsusilə beynəlxalq tədbirlərdə hökumət və qeyri-hökumət təşkilatları arasında gələcək əməkdaşlıq perspektivlərini müzakirə ediblər. Bildirilib ki, su ehtiyatları üzrə ən böyük Forumda iştirak etmək Azərbaycan üçün yeni tərəfdaşlar cəlb etmək və hazırda Ermənistanın işğalı altında olan ərazidə yerləşən Sərsəng su anbarı ilə bağlı vəziyyəti diqqətə çatdırmaq baxımından böyük imkandır.
Qonaqlar səfirlikdə keçirilən Novruz şənliyində də iştirak ediblər.
