Azərbaycan Cənubi Qafqaz regionunun sabitlik və inkişaf qarantıdır. Bu mənada 11 aprel prezident seçkiləri region üçün də əhəmiyyət kəsb edir.Bu fikirləri sechki-2018.az saytına açıqlamasında özbək alimi, tarixçi Şöhrət Barlas deyib.
Onun sözlərinə görə, Azərbaycanda seçkilərin demokratik və şəffaf keçirilməsi üçün bütün imkanlar var.
"Azərbaycanın bu vaxta qədər keçirdiyi seçkilər şəffaf və demokratik şəraitdə keçib. Yəni, Azərbaycanın bu sahədə uğurlu təcrübəsi var. 11 aprel prezident seçkilərinin də şəffaf keçəcəyinə inanıram. Bu seçkilər regionda inkişafın və sülhün təminatı olacaq", -deyə Ş.Barlas bildirib.