Abşeron rayonunun seçiciləri də aprelin 11-də səhər tezdən seçki məntəqələrinə gələrək, Azərbaycanın dövlət başçısını seçirlər. 45 saylı Abşeron seçki dairəsinin ərazisindəki 36 seçki məntəqəsində vətəndaşların öz konstitusion hüququndan sərbəst istifadə edə bilmələri üçün bütün zəruri və lazımi şərait yaradılıb.
45 saylı Abşeron seçki dairəsində adları seçici siyahılarında olan 46 min 607 seçicinin 844-ü ilk dəfə səs verəcək, ən yaşlı iki seçicinin isə 99 yaşı var.
Səsvermənin şəffaflığını təmin etmək məqsədilə məntəqələrin 12–də veb-kameralar quraşdırılıb. MSK-nın saytına daxıl olaraq prezident seçkisinin səsvermə prosesini bu məntəqələrdə real zamanda izləmək mümkündür.
“RƏY” Monitorinq Mərkəzi, Vətəndaş Cəmiyyəti uğrunda Müstəqil Məsləhət və Yardım Mərkəzi Fransanın “Opinion Way” təşkilatı ilə birlikdə bir sıra məntəqələrin çıxışında "exit poll" təşkil ediblər.