Şuşa şəhərinin Ermənistan silahlı qüvvələri tərəfindən işğalının 26-ci ildönümü münasibətilə Azərbaycan Respublikası Şəhid, Əlil və Veteranlar birliyinin təşkilatçılığı ilə
"Qarabağ qazilərinin” futbol komandasının kolektivi, "Azərbaycan Qarabağ müharibəsi əlilləri, veteranları və şəhid ailələri" ictimai birliyinin Abşeron rayon birliyinin, "Milli Qəhrəmanlar" ictimai birliyinin Abşeron rayon təşkilatının üzvləri, Abşeron rayon ictimayyətinin nümayəndələri Fəxri xiyabana gələrək müasir müstəqil Azərbaycan dövlətinin memarı və qurucusu, xalqımızın ümummilli lideri Heydər Əliyevin xatirəsini ehtiramla yad edib, abidəsi önünə əklil və gül dəstələri qoyublar.
Sonra görkəmli oftalmoloq alim, akademik Zərifə xanım Əliyevanın da xatirəsi ehtiramla anılıb, məzarı üzərinə tər çiçəklər düzülüb.
Qarabağ qaziləri və rayon ictimayyətinin nümayəndələri Şəhidlər Xiyabanına gələrək 20 yanvar faciəsi qurbanlarının və Azərbaycanın müstəqilliyi və ərazi bütövlüyü uğrunda şəhid olmuş Vətən övladlarının xatirəsini ehtiramla yad ediblər və məzarlarının üzərinə çiçəklər düzüblər. Ziyarətçilər şəhidlərin məzarına gül dəstəsi düzüb,
“Əbədi məşəl” kompleksi önünə əklil qoyub, şəhidlərin ruhuna dualar oxuyublar.Daha sonra Türk şəhidliyi abidəsi ziyarət olundu. İki dəfə Sovet İttifaqı Qəhrəmanı Həzi Aslanovun xatirəsi ehtiramla yad edilib.
Azərbaycan Respublika Şəhid, Əlil və Veteranlar birliyinin təsisçisi, “Qarabağ qaziləri” futbol kamandasının yaradıcısı Rövşən Quliyev bildirib ki, Azərbaycan xalqı 26 ildir, bu işğala, zülmə dözür. Qarabağ qazisi qeyd edib ki, gec-tez işğal altındakı torpaqlar azad olunacaq: "Biz hər gün Şuşaya qayıtmaq istəyirik. Bütün dünya birliyi və erməni havadarları bizim öz torpağımıza qayıtmağımıza əngəl törədib. Buna baxmayaraq, Azərbaycan xalqı, Azərbaycan əsgəri və Ali Baş Komandanımızın birliyi və iradəsi bizi işğal altındakı torpaqlarımıza aparacaq".